泰聚 (已搬遷) 新店位置

今日同朋友黎左呢间餐厅食饭。呢度嘅环境好舒适，座位好宽阔，好有气氛😍我地叫左一个泰式小食拼盘、牛腩青咖哩、菠萝同芒果沙冰仲有椰汁西米糕🤤泰式小食拼盘有虾饼、鱼饼、春卷、鸡翼同香叶包辣鸡。虾饼同鱼饼都非常弹牙爽口。虾饼仲有粒粒嘅虾非常有口感。炸得唔会好厚粉。春卷外脆内香且丰富材料🤤鸡翼都几滑。香叶包辣鸡几特别，辣辣的，香叶味好突出，鸡索晒啲叶味，几滑。牛腩青咖哩嘅牛腩好腍，唔韧，咖哩味香浓，食得淡淡嘅椰香味。送饭或蒜蓉包一流。牛腩份量多。菠萝沙冰同芒果沙冰份量十足，糖浆唔多，唔会好甜，唔食得辣嘅朋友仲可以食啖冰黎降温😂而且我地系望住佢用新鲜水果整嫁！非常新鲜！椰汁西米糕椰汁味好重非常香滑但唔会好腍，唔会好甜，有西米可有多重口感。价钱合理，食物好味，环境清静。即使越夜越多人亦觉得好舒服❤️食饱饱，满载而归❤️