影片
更多
2017-01-04
1868 浏览
今日又同珊瑚海食饭，佢最钟意去啲有气氛、食物好味、有酒饮嘅地方。于是拣咗呢间试吓，话说晚饭有个3x3+3嘅Pairing Menu，每人只需$468，抵食㖞！ Iberico pork shoulder 'Tonnato'意大利文嘅Tonnato即系吞拿鱼，呢度菜看似简单，但其实鱼味唔会好腥，猪肉嘅香及鱼嘅鲜甜，令味道徘徊在似清又浓之间，酱汁更能将猪肉嘅鲜味大大提升；切得薄薄嘅猪肉虽然唔带任何脂肪，但口感非常软棉，而且唔觉得腻，真系超级好味；仲有其他小小嘅蔬菜粒点缀一吓，卖相都好色彩缤纷；食黑毛猪当然要配返杯西班牙嘅Cava气泡酒啦，成个口成个胃都开晒呀！Hokkaido Scallop Trio Comb有趣嘅另一道头盘，以烤、mousse及他他呢三种手法去煮北海道带子。带子够晒厚肉，轻轻烤过后外层金黄，但入面依然雪白细嫩，再放啲番茄一齐食，酸酸哋更将带子味道提升；第二款系mousse，我哋谂咗好耐究竟边款系mousse？原来厨师先将带子打碎，再搓成长条型，口感弹牙，够晒有创意又花心机；他他就同平时食嘅带子刺身差不多，鲜味劲突出，最能够食到原汁原味嘅带子味道。3款带子都超级好味，真系
Iberico pork shoulder 'Tonnato'意大利文嘅Tonnato即系吞拿鱼，呢度菜看似简单，但其实鱼味唔会好腥，猪肉嘅香及鱼嘅鲜甜，令味道徘徊在似清又浓之间，酱汁更能将猪肉嘅鲜味大大提升；切得薄薄嘅猪肉虽然唔带任何脂肪，但口感非常软棉，而且唔觉得腻，真系超级好味；仲有其他小小嘅蔬菜粒点缀一吓，卖相都好色彩缤纷；食黑毛猪当然要配返杯西班牙嘅Cava气泡酒啦，成个口成个胃都开晒呀！
Hokkaido Scallop Trio Comb
有趣嘅另一道头盘，以烤、mousse及他他呢三种手法去煮北海道带子。带子够晒厚肉，轻轻烤过后外层金黄，但入面依然雪白细嫩，再放啲番茄一齐食，酸酸哋更将带子味道提升；第二款系mousse，我哋谂咗好耐究竟边款系mousse？原来厨师先将带子打碎，再搓成长条型，口感弹牙，够晒有创意又花心机；他他就同平时食嘅带子刺身差不多，鲜味劲突出，最能够食到原汁原味嘅带子味道。3款带子都超级好味，真系食到冇停口，又要讲野又要饮酒又要食，其实真系好忙！配合有清爽果香清嘅Sauvignon Blanc，啖啖矿物味都劲出，好有层次！
Iberico pork shoulder 'Tonnato', Hokkaido Scallop Trio Comb
56 浏览
0 赞好
0 留言
Hokkaido Scallop Trio Comb
28 浏览
0 赞好
0 留言
一上菜已经香到不得不得不得了嘅蒜蓉鱿鱼！呢个真系鱿鱼吗？外层烤得好香脆，但点解食落可以完全唔老唔硬嘅？！火候拿捏得非常好，只要烤过龙少少，就会变得硬身，嘥料㗎喇！配合黑黑嘅墨鱼蒜蓉汁，救命，珊瑚海不如你唔好食，俾晒我食啦好无？而家谂返起都流晒口水呀！呢个系配返带子𠮶只酒，再饮多杯先！
Grilled squid with garlic & parsley
20 浏览
0 赞好
0 留言
哇好大只开边虎虾，一上菜啲鲜虾味系涌埋嚟㗎，珊瑚海俾嘥你食喇。佢话食起上嚟啖啖肉，肉质既弹牙又香口又鲜甜，多重口感㖞！呢个配有少少麝香味嘅白酒，唔错
Sauteed tiger prawn with basil butter, Grilled squid with garlic & parsley
16 浏览
0 赞好
0 留言
Sauteed tiger prawn with basil butter
18 浏览
0 赞好
0 留言
一块薄薄嘅牛扒上铺满蘑菇，牛扒肉质软腍，肉汁丰沛，本身以为个蘑菇汁会好creamy好腻，但点知系咁夹！再有少少薯仔喺底，尽吸肉汁及蘑菇汁嘅精华，超级好味......
Steak '0' Sauteed fillet steak escalope with mushroom & mustard
11 浏览
0 赞好
0 留言
羊前膝来自纽西兰，用杂菜及红酒烩起码6个钟，肉质相当软嫩，入口即化，膻味算温和，对于珊瑚海嚟讲简直唔够臊，但对我呢个好唔钟意臊味嘅人嚟讲，都已经好臊，连掂过嘅risotto都食唔到；用上世界上最贵嘅香料番红花嚟煮饭，我非常欣赏，佢最大嘅用途应该系将饭粒变色成高贵靓靓嘅金黄色，饭粒口感绵密，比传统risotto软稔得多，但又不失risotto应有嘅嚼劲，应该阿婆都食到！其实啲risotto暗地里都有啲羊臊味，但实在太好味，所以我都忍唔住食晒冇掂过羊肉冇汁𠮶啲饭嚟食，真系好好味！
Braised lamb shank with saffron risotto
18 浏览
0 赞好
0 留言
非常有惊喜，冇谂过会由第一碟开始都最尾𠮶碟都咁好味，仲要有wine pairing，性价比高得好紧要！环境又唔错，最重要唔黑，起码唔会食食吓瞌眼瞓吖！
张贴
