Wingman (閣麟街)

营业中

休息中

成日喺中环lunch真系唔知食乜，同事介绍楼上有间餐厅环境特别有得打卡而且仲有我最爱嘅鸡翼，同大品牌嘅炸鸡完全两个感觉，所以今日衬食饭时间去试吓， lunch set价钱都可以接受，八只鸡翼可以拣两款味，又有薯条同埋饮品，另有小食甜品可以加购。全部店员都系用英文沟通，但佢哋全部都好Nice，会介绍边款鸡翼好味，同埋会问吓你想食干身定系想食有酱汁嘅鸡翼，我自己就拣咗咸蛋黄，同埋泰式酸辣鸡翼。首先嚟咗个薯条先，新鲜炸起超级香脆，普通嘅食法当然系点茄汁食，但我见呢度可以叫烧烤牛油果只系加$40，仲要整个上，一啖薯条一啖牛油果，茄汁都唔使点，我呢款自创嘅食薯条方法大家一定要试，超级好味又感觉健康。鸡翼有八只，大大只，新鲜炸起上碟嘅时候热辣辣，咸蛋黄味就比较干身，咸蛋黄未至于入味去到鸡翼入面，但咸蛋黄碎on top都食得出好香嘅咸蛋黄。泰式酸辣非常好味，好Juicy，辣辣地特别开胃，我自己会比较钟意食呢只味多个咸蛋黄，原来食八只鸡翼系可以咁饱，差啲食唔晒，所以真系唔好睇小佢，好味又有份量，值得推介。另外要赞下呢度几细心，有手套供应，食完d骨放落盘内，感觉衞生，食完都唔会成手油琳琳离开。