The Grill Room (The Humphreys)

营业中

休息中

早几日谂住请个朋友食饭，谂咗好耐都唔知食咩好。有朋友介绍话The Grill Room唔错，环境舒适，价钱又唔贵。好，一于咁话。搭lift上去一开门，就已经系餐厅。成个开放式厨房系度睇住厨师烧扒，特别吸引。未食已经觉得好正😋 跟手一坐低，我哋即刻点左两杯Mocktails, RUBY SUNRISE 同BEACH BABE.再慢慢睇menu. 原来我朋友系唔食羊同牛嘅🤣🤣唯有点猪同鸡啦🤪 点咗：•炭烧猪腩肉盐味焦糖汁配青苹果沙律哗，不得了～超好食😍皮脆香囗，猪肉肥瘦啱啱好，一d 都唔油腻，再配埋青苹果沙律一齐食好开胃。•葡式香辣烧鸡配黑松露薯条未送到上枱已经闻到阵阵炭烧嘅香味。但望到只鸡嘅时候，斋睇个样好似好嚡咁,但食落又唔系㖞。仲几滑添，真系估佢唔到。黑松露薯条就普普通通，冇咩特别。•是日汤 （蘑菇忌廉汤）菇味香浓，忌廉幼滑。•蒜蓉牛油烤蔬菜蒜蓉味香，牛油味重，正。