悅滿軒

同男朋友出嚟庆祝生日,想揾间餐厅整整同佢庆祝吓,上网search之下，就揾到呢一间喺美孚嘅稳世法国餐厅❤️❤️。咁就可以尽情咁过我哋嘅二人世界啦❤️去到𠮶度嘅时候仲未够钟食饭，咁啱餐厅嘅出边又有好多小摊档，我就趁呢个时候可以行吓👍🏻入到餐厅，装修唔错，环境都舒适❤️可以轻轻松松咁享受今晚嘅晚餐❤️❤️睇咗餐牌，我先叫咗半打蚝😋，佢呢度提供左四款唔同嘅生蚝，我同男朋友就拣咗产地系法国同爱尔兰各三只试下🤤口感非常饱满同滑溜😍味道方面我觉得法国个只比较淡，有埋咸咸地嘅海水味，令到蚝嘅鲜味更加突出👍🏻法式纸包智利红䲝鱼配海鲜汁，卖相好靓，完全整到好似一个海鲜拼盘咁😆红䲝鱼酿咗好多唔同嘅海鲜同蔬菜❤️令到个鱼肉非常鲜味，而且口感弹牙。配埋个海鲜汁，将成条鱼嘅味道都升华咗🤤呢个鱼真系我嘅大爱啊😍之后再黎就系烤西班牙八爪鱼脚 西班牙辣肉肠烩薏米 阿根廷青酱。八爪鱼脚烤到啱啱好😋。平时食开嘅八爪鱼都好靭，但呢个绝对唔会😍味道仲要好鲜味同好浓郁嘅八爪鱼味🤤配埋佢个辣肉肠烩薏米，味道咸香惹味。👍🏻呢度啲嘢食同环境，我同男朋友都好满意。男朋友话之后全部嘅纪念日可以去呢到食😆😆😆