影片
更多
2020-03-23
216 浏览
呢日系Mikiki行过康强街条巷仔见开左间新店，门口栋左块黑板写住几款饭都系$40，包埋汤、饮品或者水。见咁平就买番去试下!拣左个柱侯牛腩饭~最近疫情严重，听讲公司水机都容易有菌，所以饮品拣左支水番公司饮~店员好贴心仲问我要唔要雪冻既水!等紧既期间再睇下个黑板仔，见沙爹猪皮特大鱼蛋都系$15，口痕痕就叫埋碗黎试下!柱侯牛腩饭番到去一开发现饭同𩠌系分开摆，唔会搞到d饭林哂，小店都咁贴心真系好难得!而且d汁非常多，不过因为我买完饭去左买其他野所以盒饭冻左少少，个外卖碗可以入得微波炉非常方便，叮一叮好快食得~见到d汁口水都流哂!将d汁捞落饭食超正，腩汁充满肉香同油脂既香味~有人可能会怕肥，但果种香真系令人觉得肥都要食!牛腩份量适中，最正系够稔又易咬，唔会痴住d牙。配菜既白萝卜都炆得劲好入味，$40食得咁既水准真系好惊喜!沙爹猪皮特大鱼蛋食哂成个饭已经好饱，所以番屋企先叮番热鱼蛋猪皮食，一开出黎成阵沙爹香充斥住间屋，沙爹极浓味!重口味既朋友一定岩哂!长洲鱼蛋真系极大粒又弹牙，猪皮入哂味又爽口，老公食到耳仔都郁!细食既女仔食一碗一定饱哂!$15性价比超高~
拣左个柱侯牛腩饭~最近疫情严重，听讲公司水机都容易有菌，所以饮品拣左支水番公司饮~店员好贴心仲问我要唔要雪冻既水!等紧既期间再睇下个黑板仔，见沙爹猪皮特大鱼蛋都系$15，口痕痕就叫埋碗黎试下!
柱侯牛腩饭
番到去一开发现饭同𩠌系分开摆，唔会搞到d饭林哂，小店都咁贴心真系好难得!而且d汁非常多，不过因为我买完饭去左买其他野所以盒饭冻左少少，个外卖碗可以入得微波炉非常方便，叮一叮好快食得~见到d汁口水都流哂!将d汁捞落饭食超正，腩汁充满肉香同油脂既香味~有人可能会怕肥，但果种香真系令人觉得肥都要食!牛腩份量适中，最正系够稔又易咬，唔会痴住d牙。配菜既白萝卜都炆得劲好入味，$40食得咁既水准真系好惊喜!
沙爹猪皮特大鱼蛋
食哂成个饭已经好饱，所以番屋企先叮番热鱼蛋猪皮食，一开出黎成阵沙爹香充斥住间屋，沙爹极浓味!重口味既朋友一定岩哂!长洲鱼蛋真系极大粒又弹牙，猪皮入哂味又爽口，老公食到耳仔都郁!细食既女仔食一碗一定饱哂!$15性价比超高~
张贴
