得龍生哥美食

营业中

休息中

以前既得龍飯店真係好好食，可惜前幾年結業，咁就冇左一間味道地道正宗既粵菜。🥺今日做完gym經過康強街既時候，竟然見到有得龍巷仔美食既招牌，忍唔住行左入去睇，🌞原來依家開左間餐廳，不設堂食，只限外賣，每日都有40蚊既兩餸飯賣。係巷仔眼望望期間，有兩個阿姐都好熱情咁招呼，又介紹哂D菜式。盛情難卻🫣最終叫左一份餐食。其實菜式都得，諗左好耐最終簡左蒸水蛋同蒸肉餅，原來仲有送埋一份菜心同一碗冬瓜豬骨湯。拎返屋企食仲溫熱，今次簡既菜式都比較清淡，但水蛋嫩滑，菜心爽口，肉餅厚實，最深刻係碗湯真係好味又足料，😲下次都可能再試，40蚊咁大份係呢個市道都算良心啦～！❣️

兩餸飯每盒$40, 我們自己煮了飯，只買單餸。.全晚冠軍一定是💓梅菜扣肉⭐️⭐️⭐️⭐️⭐️一般梅菜扣肉都是以梅菜做調味的主打，梅菜味為主，另一款普遍的煮扣肉方法是南乳，這味梅菜扣肉最特別之處是梅菜味外，真的煮得好惹味，有南乳的香氣和味道，是十分少有的好味，我都好喜歡梅菜扣肉，所以都食過好多餐廳，亦有一定要求，這味一定是名列前茅👍.而且扣肉不會過肥，是食得到的，有時有些餐廳的扣肉太肥，這裡份量足之外，是食得到的正常帶肥的扣肉，汁就更是撈飯必選💓.叉燒⭐️⭐️不推介，不知為何有朋友說這裡的叉燒好食，我只給2星，我的感覺是肥、硬，如果不告訴我這味是叉燒，我其實不知是叉燒，是普通硬同肥的豬肉。.涼瓜火腩⭐️⭐️⭐️💫(3.5分)這味涼瓜火腩中規中矩

  40蚊  雞pet雞骨飯40食雙拼比雞pet人都有 好食都吾係甘衰。比d豬頭骨人阿嗎..............................

收$40比雞屁股人都有 有冇搞錯 去邊間酒樓食雙拼會咁樣比 味道又普通 又要比埋啲骨位..............................

抗疫期間，我都儘量外賣回公司吃，比較安心又放心。今日走入人來人往的後巷，終於一試得龍嘅外賣午餐，都係＄40 (太爺雞飯要$60)，就選了即煎芙蓉蛋飯，附送紙包飲品(另外可選例湯/蒸餾水)。這間的芙蓉蛋飯無落豉油，不過都已經好夠味好香，材料亦好足夠，有叉燒火腿蝦芽菜洋蔥，真材實料，只係白飯偏乾。雖然唔知佢喺邊度煮(現場唔見有廚房)，但整體係好食，呢個價錢可以食到舊式酒樓嘅味道，已經好好，下次可以再試其他。

Got a smoked chicken from here, my mom’s favorite normally this need to be pre-ordered but was so lucky they have two available. Waited like 10mins to have it chopped up for takeaway. The chicken is very meaty, love the smoky favor with hint of chinese tea leaves fragrant. It’s quite pricey for a whole chicken but definitely worth it

這天朋友相約一同前往了新蒲崗， 這個地方也有很多年沒有過來，沒想到這裏的變化真大， 這間餐廳朋友說他是老字號，由一位名廚開辦。 地理方面 ，不算太容易找到 ，幸好朋友對地圖的認識十分強，所以 我們也沒有迷路。食物方面，我們點了咖哩豬皮魚蛋， 店舖完美的 把長洲大魚蛋的味道 帶進了這裏。 魚蛋十分大粒， 和長洲的沒有分別， 味道方面， 咖哩味香濃， 魚蛋入口口感佳， 雖然不是像乒乓波般彈牙， 但是吃起來還是十分推薦，梅菜扣肉飯， 說好的肥肉呢，完全不肥膩，肥瘦均勻，加上充滿家鄉的味道。

當我透過觀看「得龍生哥美食」在「開飯喇」裡面的相關資料之後才愰然大悟，知道原來「得龍生哥美食」的前身「得龍大飯店」，以前在新蒲崗裡面原來是非常有名，曾經得獎的食店。只可惜「得龍大飯店」現在已經宣布結業，「得龍大飯店」原本老闆後來選擇了，在「康強街」的某個暗巷裡面，開設不提供堂食，只容許食客外賣自取飯盒的食店「得龍生哥美食」。現在「得龍生哥美食」的店舖舖位裡面，沒有任何餐檯餐櫈，只有「得龍生哥美食」廚房放置已經預先煮好餸菜，可以開爐加熱餸菜的廚櫃，還有讓食客自行選購飲品或者醬料的陳列櫃。至於「得龍生哥美食」在店門外面放置了，一個有關「是日外賣快餐」的餐牌價目表，「是日外賣快餐」提供四款，由食店自家製作餸菜配白飯，或者由自製炒粉麵飯加飲品組成的外賣套餐。「得龍生哥美食」八款「是日外賣快餐」食品裡面，當中有超過一半食品的材料恰巧都是「豬肉」，剩下其餘的食品材料，包括有「柱候牛腩飯」、「蟲草花北菇蒸雞」以及「陳皮鴨湯飯」。例如只想在晚餐裡面食牛肉，對豬肉完全沒有興趣的我，就只能夠在「得龍生哥美食」剩下三款食品裡面，選擇唯一包含「牛肉」在內的「柱候牛腩飯」客飯套餐，作為我今晚的晚餐食品。或許可能

我由細到大都成日食得龍，好掛住佢嘅琵琶鴨同埋金錢雞，早前結業令人惋惜。.估唔到佢最近重新開業，仲轉咗做外賣店。.飯餸會分開放，啲飯唔會太鹹。.呢次我試咗佢地嘅泰式紅咖喱雞中翼飯。除咗有雞中翼之外，配料有薯仔、洋蔥，仲有青椒。雞中翼好入味，而且薯仔度炆得好淋。紅咖喱食落去唔辣，餸飯好惹味。份量好多，男仔食都飽。.順帶一提，佢地嘅例湯夠晒足料，而且飲完唔會口渴。.佢地仲有賣沙嗲魚蛋，用咗長洲大魚蛋整。相信個沙嗲汁係佢哋自己調製嘅，食落去甜味比較濃，但又帶少少辣味，相當惹味。.溫馨提示，店舖門面喺巷仔入面，轉角位有餐牌。以呢個價錢嚟講好抵。

聽講呢間得龍生哥美係有六十年歷史既得龍大飯店既後續。唔怪得屋企兩老指明要食呢間外賣啦，今日化身成外賣仔送外賣。得龍大飯店係一間粵菜老店，有好多馳名菜式，仲攞過米芝蓮推介食府，深得唔少人既喜愛。得龍生哥美食位於新蒲崗康強街，佢門口唔係正街，大家搵佢要留心啲。😂😂呢度外賣小菜，絕不馬虎。有8款餸揀。影張相比兩老揀先，佢地揀左原盅臘味飯同候柱牛腩飯。外賣份量十足，大大碗，臘味超香，個飯吸收哂臘味既香味。而牛腩好腍，又入味，証明炆煮左好耐。另外為食既我，就叫左個咖喱豬皮特大魚蛋，魚蛋超大粒，好彈牙，個咖喱好香，好入味。特大魚蛋令我諗起長洲既大魚蛋。呢度價錢合理，外賣飯仲跟個湯，抵食。

「得龍」可謂中菜之中嘅名店，前年結業後唔少食客都大叫惋惜。冇諗過佢最近喺同一個舖位開返，只不過轉型咗做外賣店。呢日放工已經過晒食飯時間，一於決定試下佢。🥘陳皮鴨湯飯（$40 連飲品）好好彩有隻鴨髀食，鴨肉頗多而且質地算滑。湯底陳皮味濃，而且味道有層次。.附送例湯夠多料。而且見佢幾特別用咗豬手嚟煲湯，煲完仲係好嫩滑，超好食。.值得一讚係飯餸分開裝，啲白飯唔會太油或者太濕。.🍴得龍生哥美食新蒲崗康強街33號地下C號舖

依家呢個時期，最好減少同其他人接觸，所以我都盡量唔同朋友食飯，如果懶得自己煮既話，最好就係叫外賣。呢日home office，中午就去左屋企附近買外賣，試下一間新開既店。呢間店係做街坊生意，價錢幾抵，有幾款外賣快餐可以選擇。我叫左個臘腸排骨飯外賣，老闆仲送左碗湯比我啊！返到屋企，好肚餓啊，當然就即刻開餐啦。講左碗湯先，湯入面都幾料，同埋唔係出面好重味精既湯，唔錯！臘腸排骨飯方面，蠟腸好惹味，排骨有多，夠哂飽啊！

疫情下多咗買外賣返屋企慢慢食，今日去開新蒲崗，之前聽過得龍大飯店好出名，所以就去咗佢嘅得龍生哥美食買外賣。臨收鋪時間，不用排隊，外賣店的姐姐都幾好人。👍呢度嘅飯都幾抵食，40蚊大大兜，窮人恩物。買咗個咖哩雞同梅菜扣肉飯返屋企，，回家仲系熱，屋企人都讚好食，仲送咗兩碗例湯係紅青蘿蔔湯。😍咖哩雞幾香濃惹味，雞件幾多，梅菜扣肉都好好食，炆得超入味，梅菜甜甜地好餸飯。 例湯清甜冇味精， 系店員姐姐特別推介。🌟

最近都有盡量少啲出去食飯，所以都要搵啲外賣小店買外賣返屋企食。今日收工喺附近買材料，就順便買個飯返屋企食。選擇唔多，不過價錢好平！一於試吓除咗客飯，仲有啲特色嘢賣。我買咗兩個飯加一份魚蛋，pack得好企理！一個盒分開飯同餸。梅菜扣肉好惹味，味道濃郁，唔會偏鹹，梅菜甜甜哋，送飯一流！！扣肉份量都好多，性價比好高魚蛋豬皮係必食推介，$15一份有三粒大魚旦加豬皮，好抵食！魚蛋爽口彈牙，豬皮吸晒啲汁嘅味道，好好食原來呢度仲有盆菜食！過時過節可以試吓

得龍大飯店係新蒲崗老字號 就係人都知。 前嗰排喺得之佢 要結業都有啲唔捨得。 幸好 佢終於重開， 雖然只係做外賣生意， 冇得再食返一盅兩件， 特麗佢啲外賣水準都唔錯㗎。 陳皮鴨腿湯飯 一客湯飯買40蚊， 價錢廉宜但係水準卻係幾高， 最緊要係大件夾抵食。 鴨肉湯飯 食得出得龍捨得用靚陳皮 ， 飲落有淡淡陳皮香 ， 湯色清而不俗 ， 鮮濃香醇 ，而且鴨脾大大件， 鴨皮下的肉仍然粉嫩， 湯頭有齊芫茜， 冬瓜 同冬菇， 拌白飯吃， 成碗湯渣都冇得整。而且買外賣仲會送多碗例湯，是日例湯係青紅蘿蔔煲豬骨湯， 勁多青紅蘿蔔，清甜而有肉味， 最重要係不帶味精，不錯。 除咗外賣飯， 得龍亦都買埋特大炸魚蛋同埋豬皮， 可以揀沙嗲或者咖哩汁， 炸魚蛋爽口彈牙非常， 最重要係自家製咖哩醬炒得香口， 秘製十幾廿樣香料調配而成， 卻又不會過咸， 當豬皮索曬啲汁之後 ， 食到停唔到口 。