影片
更多
2017-04-01
1409 浏览
曾经喺佢间Chez Patrick Deli食过，好有惊喜，所以一直都好想试呢间，今次就趁Restaurant Week同个朋友去食午餐！闻说法国人如果邀请你去佢屋企食饭，最好迟返个15-20分钟等佢够时间准备 (准时系唔礼貌嘅表现！)，不过餐厅应该例外嘅 ~ 同埋我哋惊荡失路，所以都预早咗去。我哋喺镛记𠮶边行上去，行到去荷里活道都揾唔到 ... 后尾发现原来结志街系一条斜斜地嘅细街，街口有间7-11，喺中环街市直行上山就见到！7-11隔离就系大厦入口 (喺正兰芳园对面)，搭个䢂就到。因为系Restaurant Week，会有个指定menu，头盘、主菜、甜品/芝士各3选1。我同个朋友全部都系share，而佢全部都系一碟2份 or 4份，啱啱好。首先上嘅系面包，个包仲冒紧烟！(幅相都睇到有少少！) 不过面包香就争少少，未到好好食。大厨Patrick全日镇守厨房，趁我哋未开餐就出嚟同我哋打声招呼，同埋呢度地方唔大，我谂只可以坐到20-30人，好有私房菜嘅感觉！头盘 Poached and marinated eggplant with soya sauce, romaine lettuce
闻说法国人如果邀请你去佢屋企食饭，最好迟返个15-20分钟等佢够时间准备 (准时系唔礼貌嘅表现！)，不过餐厅应该例外嘅 ~ 同埋我哋惊荡失路，所以都预早咗去。我哋喺镛记𠮶边行上去，行到去荷里活道都揾唔到 ... 后尾发现原来结志街系一条斜斜地嘅细街，街口有间7-11，喺中环街市直行上山就见到！7-11隔离就系大厦入口 (喺正兰芳园对面)，搭个䢂就到。
因为系Restaurant Week，会有个指定menu，头盘、主菜、甜品/芝士各3选1。我同个朋友全部都系share，而佢全部都系一碟2份 or 4份，啱啱好。
首先上嘅系面包，个包仲冒紧烟！(幅相都睇到有少少！) 不过面包香就争少少，未到好好食。
大厨Patrick全日镇守厨房，趁我哋未开餐就出嚟同我哋打声招呼，同埋呢度地方唔大，我谂只可以坐到20-30人，好有私房菜嘅感觉！头盘 Poached and marinated eggplant with soya sauce, romaine lettuce chiffonade，简单嚟讲就系腌矮瓜，睇落个样有d似鱼香茄子！味道就梗系唔似啦，比较似日式嘅渍物，系冷盘嚟嘅。呢个清清地，做沙律唔错。
Poached and marinated egplant with soya sauce, romaine lettuce chiffonade
16 浏览
0 赞好
0 留言
Crab meat chunks on chilled green pea soup
28 浏览
0 赞好
0 留言
Munster cheese and cumin tartine - with potato gratin and baby vegetables
24 浏览
0 赞好
0 留言
Potato gratin可以理解为忌廉芝士焗薯，呢个真系好正，比例啱啱好，食落唔会觉得腻，呢一细旧实在唔够喉！
(唔好意思切咗啖先记得影相)
另一个主菜 Grilled tuna fillet on fennel branches - with anchovy and caper butter，哗，呢个真系一试难忘，食咗一啖顿时语塞，朋友问我意见我都讲唔出口，只可以话系「完美」！平时食吞拿鱼，一系就刺身淋pat pat，一系就烟熏到靭靭地，而佢系出面有d似烟熏，入面就好软熟，但系唔松散；温度、份量、调味、口感，所有嘢都控制到啱啱好；叉出嚟一睇，仲有住如完美牛扒嘅颜色！
Grilled tuna fillet on fennel branches
12 浏览
0 赞好
0 留言
当然，睇我讲系冇用，自己去试下最实际！不过我朋友食完，都觉得「完美」呢个字系冇讲错！吞拿鱼下面系couscous小麦米，都好食，同加咗d饱肚感。
甜品 Hazelnut iced nougat, rasberry coulis，个样好得意，好似一大旧鸟结糖咁。鸟结糖嘅味，但有如雪糕嘅口感，而且入口即溶！系一个好有趣又好清新嘅甜品。
Hazelnut iced nougat, raspberry coulis
18 浏览
0 赞好
0 留言
Banana flambée with rum
26 浏览
0 赞好
0 留言
另外可以加$108要杯酒，我哋就冇加喇，饮水就好，不另收费。上餐速度都几快，一个钟之内就食哂。一个3-course lunch set只系$198加一，Chef Patrick都唔会交行货，碟碟用心制作，我完全觉得佢系蚀俾我哋。当然Restaurant Week系一个promotion (...而好多餐厅都会将货就价)，平日几钱我就唔知喇，但系真系贵一贵都值得！
临走Patrick煮紧嘢都笑住同我哋讲bye bye，梗系即时俾个thumbs up佢啦！一定会再嚟！
张贴
