湘川滬 (+WOO嘉湖二期)

营业中

休息中

朋友介绍左我去天水围嘅一间上海菜，唔去唔知，去到先知道原来银座商场里面有一间咁出色嘅上海菜，适逢食饭时间，都好多人架，但系好彩，啲枱都够晒大张，坐低都好舒服。头盘方便我哋叫咗个醉猪手，虽然系冷盘，但系份量一啲都唔细，食落爽趣，仲有少少酒嘅香气，未食已经闻到芬香扑鼻啦。回锅肉炒年糕，份量好多架，回锅肉晶莹剔透，年糕唔会好淋，咬落烟烟银银QQ蛋蛋，果然够晒正宗啊。酸菜鱼，鱼嘅份量好多，切得博新，但系肉质扎实，唔会一夹就散，而且最重要嘅系冇骨，啖啖肉，酸菜鱼个汤底味道适合香港人，唔会好辣，酸菜份量又多，下面仲充满好多粉丝，好味到连渣我哋都食埋啊。葱油饼，十分之香脆，里面嘅聪份量都好多，咬落淡淡香口。食上海菜，又点少得小笼包啊，有四件，咬落里面嘅汤汁都已经流晒出嚟， 10分之多，夹嘅时候真系要小心啲呀争啲辣亲我个仔，肉味十分之鲜。皮薄馅靓，真系食到停唔到。