得龍生哥美食

营业中

休息中

以前响新蒲岗住，成日都会去德龙度食饭。早前知道佢哋转咗做私房菜。今日咁啱经过，原来佢哋仲有间小店专做外卖。既然嚟到，当然要试一试啦。外卖饭，7款选择，一个都系$40，仲包埋饮品或者例汤。结果我叫咗个原盅腊味饭同埋梅菜扣肉饭连例汤。梅菜扣肉够入味，分量几多。食落又唔会太咸，值得一试。腊味饭，超香。一路行一路都闻到阵腊味味道。而且腊味嘅香味完全渗入响啲饭𥚃面。另外叫多个小食，沙爹猪皮特大鱼蛋。$15，有三粒超大鱼蛋，大细同长洲鱼蛋一样。仲要有唔少猪皮响面，分量十足，超级抵食。地址：得龙生哥美食 (新蒲岗)新蒲岗康强街33号地下C号舖