影片
更多
2023-10-17
31 浏览
好多时omakase除左期望师傅简单介绍菜式，好多人钟意同师傅饮住酒吹下水，我就有啲怕大家你眼望我眼尴尬揾野讲。 今晚难得遇上咁耐以黎最好倾嘅师傅，亲和力超强，野食同气氛都好好。前菜卖相已经好有诗意，水云清新开胃，沢蟹酥脆香口，汤叶卷内含柔软嘅太刀鱼，豆味香浓。蚬清汤虽然做法简单，连盐都冇落，但真系极度鲜甜，顺菜滑嘟嘟口感好得意。平目刺身本身比较淡，沾上酢橘真系有提鲜作用，少少一块缘侧口感真系唔同啲，爽口有油香。富山县白虾三食先嚟两道，简单白虾刺身已经非常香甜浓郁，炸白虾风味又完全唔同，虽然虾甜味冇咁突出，但虾壳好香口好啱𩠌酒。北海道八爪鱼好巨型，八爪鱼脚切成薄片好幼嫩，吸盘爽脆，配酱油渍wasabi攻鼻得黎构成左我心目中最完美嘅组合。赤贝仲系郁郁吓，爽口清甜。 秋刀鱼大块厚切，接近半只手掌咁大，一啖放入口鱼油好足。三文鱼子真系有惊艳嘅感觉，一入口嘅回弹同卜卜声真系吓到哗咗出声，原来咁多年人系未食过真正新鲜嘅三文鱼籽，直头好似台饮店𠮶啲爆珠咁上下，师傅话系佢哋新鲜拆出嚟，真系值得一试。炸粟米脆皮薄到好似一层膜咁，粟米超甜啖啖肉。白虾三味最终章，炸虾丸令我留下最深刻印象。 一咬落去好似
前菜卖相已经好有诗意，水云清新开胃，沢蟹酥脆香口，汤叶卷内含柔软嘅太刀鱼，豆味香浓。
蚬清汤虽然做法简单，连盐都冇落，但真系极度鲜甜，顺菜滑嘟嘟口感好得意。
平目刺身本身比较淡，沾上酢橘真系有提鲜作用，少少一块缘侧口感真系唔同啲，爽口有油香。
富山县白虾三食先嚟两道，简单白虾刺身已经非常香甜浓郁，炸白虾风味又完全唔同，虽然虾甜味冇咁突出，但虾壳好香口好啱𩠌酒。
北海道八爪鱼好巨型，八爪鱼脚切成薄片好幼嫩，吸盘爽脆，配酱油渍wasabi攻鼻得黎构成左我心目中最完美嘅组合。
赤贝仲系郁郁吓，爽口清甜。 秋刀鱼大块厚切，接近半只手掌咁大，一啖放入口鱼油好足。
三文鱼子真系有惊艳嘅感觉，一入口嘅回弹同卜卜声真系吓到哗咗出声，原来咁多年人系未食过真正新鲜嘅三文鱼籽，直头好似台饮店𠮶啲爆珠咁上下，师傅话系佢哋新鲜拆出嚟，真系值得一试。
炸粟米脆皮薄到好似一层膜咁，粟米超甜啖啖肉。
白虾三味最终章，炸虾丸令我留下最深刻印象。 一咬落去好似绵花咁柔软，同时有回弹，唔需要点任何酱汁已经好够味。
金目鲷幼滑甘香，一般火炙做法师傅话系哂料，的确唔洗搞咁多野系最好食。
帆立贝厚得夸张，味蕾受到佢鲜嫩重击。
墨鱼同北海道甘海老都好出色，墨鱼同紫苏叶好夹，三大只甘海老只取中间最厚肉部分，超甜有弹性。
三款吞拿鱼各有特色，一般嚟讲大拖罗以外我都麻麻哋，但靓嘅吞拿鱼原来不论肥瘦都咁好食。 中拖罗已经好够肥，重点系非常软滑完全冇渣。
大拖罗唔使讲一入口啲油就爆晒出嚟，师傅反而特登落啲盐降低油香，鱼油同鱼味之间取得平衡。
吞拿鱼酱油渍虽然系赤身，但够新鲜、入口好滑，师傅话系最矜贵嘅天身，我觉得同中拖罗不遑多让，可以话系我食过最好食嘅赤身。
一开头个蚬清汤饮完之后一直念念不忘，寿司正正用返同一款蚬，几只叠埋一齐口感更加突出爽弹。
海胆唔使多讲，就系最好食最纯粹最甜嘅味道，为今晚留下完美句号。
张贴
