詩餅坊

营业中

休息中

帮衬咗屋企附近呢间蛋糕小店已经5年，由最初嘅柠檬挞到后来的各款生日蛋糕，从没令人失望过。而且蛋糕款式不断创新，做工严谨，选料新鲜，连唔钟意食cream嘅朋友都舔晒，返转头要我帮手再订。寻日又去攞生日蛋糕，栗子蓉嘅设计系跟我特别要求，因为早到咗，师傅仲系厨房唧紧栗子蓉，跟住见到佢著住白雪雪嘅西厨制服，攞住写好嘅生日牌出来俾我过目。夜晚食完大餐，但个蛋糕都系几分钟落肚，连托盘上嘅栗子蓉都俾人刮到干干净净，睇怕下次要订大一倍先够喉。