影片
更多
2009-03-17
59 浏览
班长要去买手机，妹妹又要去卖手机，搞掂哂已经九点几，我已经由肚饿变到唔肚饿，但系又要食嘢㖞....跟住就去又一城食嘢，去到...我即刻谂起我几个星期前已经想食嘅Spaghetti Carbonara，喺又一城只系得Amoroni's Little Italy同Dan Ryan's 有得食，最后终于入咗Little Italy。食物方面：叫咗三个courses，先嚟面包，同以往一样，有只软嘅，亦有类似饼干嘅薄脆，有意大利黑醋mix w/特纯槛榄油 比我地点，班长嘅favourite，但我似终都系钟情牛油，最终都系叫waitress比几旧牛油我地。1. Calamari 炸鱿鱼 > 班长钟意食....冇计，如果唔系我就一定唔叫，大家都以为系炸鱿鱼圈，点知一嚟到系鱿鱼条，虽然几香，但系我感觉又肥、又高胆固醇、又难消化，而且啲蕃茄汁又好热，真系热到出烟，点入口呀! 而且佢实在有啲贵，要成$160一客，仲要碟底有旧大大嘅法国包，我认为最多只系值$80。2. 忌廉芝士火煺意粉 Spaghetti Carbonara > 终于到主角出场，虽然只系叫咗个细份嘅$98，但系我地三个已经
跟住就去又一城食嘢，去到...我即刻谂起我几个星期前已经想食嘅Spaghetti Carbonara，喺又一城只系得Amoroni's Little Italy同Dan Ryan's 有得食，最后终于入咗Little Italy。
食物方面：
叫咗三个courses，先嚟面包，同以往一样，有只软嘅，亦有类似饼干嘅薄脆，有意大利黑醋mix w/特纯槛榄油 比我地点，班长嘅favourite，但我似终都系钟情牛油，最终都系叫waitress比几旧牛油我地。
1. Calamari 炸鱿鱼 > 班长钟意食....冇计，如果唔系我就一定唔叫，大家都以为系炸鱿鱼圈，点知一嚟到系鱿鱼条，虽然几香，但系我感觉又肥、又高胆固醇、又难消化，而且啲蕃茄汁又好热，真系热到出烟，点入口呀! 而且佢实在有啲贵，要成$160一客，仲要碟底有旧大大嘅法国包，我认为最多只系值$80。
2. 忌廉芝士火煺意粉 Spaghetti Carbonara > 终于到主角出场，虽然只系叫咗个细份嘅$98，但系我地三个已经非常够食，啲汁好香好creamy，算落足料，加埋意大利火煺，最紧要都系啲汁加入咗蛋黄，简单嘅配合已经够哂味，如果好似Cafe Landmark用虾球，我相信会更鲜味添...........不过我真系好开心，因为已经谂咗几个星期，终于食到，实在太好味喇~~~~~~~~!
3. Pepperoni, Pineapple & Mushroom Pizza > Pizza 系正方型嘅，有十二块，真系份量十足，始终都系Italian-American Food，传统薄批，未必人人啱口味，够热，亦唔会过酸，不过份量太多，最后都系要打包。
总论：同以前去都系咁满意，可以再食，保持一贯水准，不过太饱了，唔可以再次品尝佢地几好食嘅甜品Tiramisu，下次希望可以留肚食啦.......
张贴
