尚鮮海鮮料理 (已結業)

呢排home office成日都系屋企食饭，当然耐唔耐都要同朋友出去食饭见个面。今次就试吓呢一间尚鲜海鲜火锅料理，系一间食私房菜同埋有火锅嘅店舖嚟嘅。一入到去，见到个环境好舒服，啲卡位系有板隔住嘅，所以私隐度都几高。有趣嘅系，啲卡位入面系有个小小嘅电脑比大家睇㗎! 坐低嘅时候，店员即刻为客人喷上酒精搓手液等我哋清洁双手，做好防疫措施。店员嘅服务态度都好好，好热情咁向我哋介绍佢嘅Menu同埋招牌菜。今次我哋嗌左个花胶炖鸡象拔蚌同埋尚鲜串烧酒云拼盘。先讲咗个花胶炖鸡象拔蚌先，一上菜嘅时候，店员捧咗一大锅虫草花花胶炖鸡汤，望落去已经觉得好足料，劲多花胶同虫草花，好香，饮第一啖嘅时候真系哇咗一声，超级好味！佢哋话如果客人想嗌呢一个汤，系要预先订位架! 因为店舖要用3-4个钟去熬呢煲汤，真系落足心机同时间。再加上象拔蚌刺身非常鲜甜，呢个配搭真系一流！个汤都几大㗎，可以分到七至八碗。如果要打边炉，大家可以选择每人饮咗一碗汤，再加上汤打边炉，一举两得。另外串烧拼盘都非常吸引，有烧海虾，烧生蚝，烧牛柳粒，烧牛舌等等。我觉得最好食系串烧牛舌，好入味同埋好厚，口感一流。加埋一人一杯冲绳生啤，真系好好嘅配搭