嚐越 (已結業)

今日同M佬去到九龙湾德福广场睇戏，睇完戏就见到呢间似曾相识嘅越南菜，A姐仲话那些年第一次食越南菜，应该就系尝越。今日一于试试多年后嘅味道，睇吓有无重回初恋嘅感觉。法国牛油蒜蓉鸡翼一般嘅越南菜都系牛油鸡翼，呢到就加入咗蒜香，炸到金黄色嘅鸡翼上面铺上大量嘅炸蒜，令味道更有层次，炸得香脆可口，仲有淡淡嘅牛油香，够晒惹味。越式烧猪颈肉猪颈肉够厚身，食落好有口感，仲带有阵阵嘅香茅味，唔错。鲜黄牛脊汤金边粉配料有牛脊肉、白萝卜、金不换、芽菜同洋葱，够晒足料。而汤底有淡淡嘅牛肉清香，再加埋青柠汁同辣椒，成个味更加提升，牛脊肉够软腍，牛肉味浓。原个菠萝咖喱海鲜炒饭菠萝炒饭就食得多，呢个就加入咗咖哩味，味道即刻更有层次。炒饭够镬气，配料有虾、肉松同菠萝等等，够晒饱肚。