蟹點

营业中

休息中

早排同同事食过海怡半岛站嘅「蟹点」后, 一直回味呢度嘅胡椒蟹, 趁今日妈咪生日, 同佢去完海洋公园就顺道去「蟹点」食埋dinner。估唔到平日晚餐厅都几旺, 坐满8成座位, 非常热闹。除了室内, 仲有少量户外座位。食物款式选择多, 分别有中菜、泰菜, 只系拣野食都要花点时间。【招牌白胡椒蟹】HK$628大大只肉蟹放于铁板上热辣辣滋滋声上台, 侍应即席加入白胡椒茨汁, 散发著浓郁白胡椒香气。蟹膏味道甘香, 蟹爪被拖过油, 锁住了肉汁, 蟹肉鲜味十足, 配上白胡椒汁, 辣辣地好惹味, 蟹钳仲好大只好厚肉, 值得一试。【豉汁蒸白鳝】HK$148鳝肉弹牙爽身, 豉汁令整体味道更提鲜。【炸乳鸽】HK$68/只炸乳鸽外皮虽算不上香脆, 但不会过于油, 而且很入味, keep到肉汁, 唔需要额外再调味, 都很不错。