The Point - Pizza & Pasta (將軍澳中心) (已結業)

以前自己成日去开铜锣湾𠮶间食，自从执咗都有啲失落。今晚约朋友嚟将军澳食饭，见到有the point，即管试吓水准keep唔keep到。以前每一次，我都一定会嗌呢个森林Pizza，野菌、火箭菜、黑松露忌廉酱令个Pizza好香，而薯仔片、烤蒜头就令个Pizza好有咬口，食完心情都靓！跟住就叫个medium M5 澳洲和牛肉眼牛扒，净系望个卖相都已经冇得输。虽然望落好似好红，食落口感刚刚好，够Juicy，重牛味，有啲筋咬下好香。重点系佢嘅配菜都唔马虎，薯蓉creamy，茄子同瓜又爽又新鲜又甜。最后，系我第一次食甜嘅Pizza。肉桂、烤苹果、葡萄干、合桃、吉士酱、云呢拿雪糕，传统配搭冇得输。