忠誠盆菜館

营业中

休息中

以前系大尾督踩完单车，都会过去食，自从啲水准差左之后都无去几年。最近无晚市堂食，团年饭屋企人话订盘菜，佢哋都推介忠诚，于是再比机会佢，订左贵啲嘅12人鲍鱼一品盘菜。我地14人，用gas炉番热后，大家就系咁抢食，虽然仲加左啲韩烧，但成盘菜好快食哂。其实盘菜系好足料，不过太好味，屋企人一路食一路赞，好快就食完。饱鱼弹牙，虾大只新鲜香脆，鸡唔鞋口，五花腩够淋，白萝卜猪皮索埋啲汤汁食好正，唯一系啲花胶细只啲。如果继续保持呢个水准会推介。本来有送货安排，但担心呢啲日子容易有漏单，于是外卖自取，在网上落单后，佢地都即时打电话嚟确认，不过最终去到都话无我地张单，好彩即时补货。