壽喜燒 友 (已結業)

妈咪话好想食寿喜烧，之前食过铜锣湾有间好好食嘅寿喜烧，所以特别同佢去试下个$1080晚餐😛。餐厅装修同摆设好靓，好似入左竹林咁，环境好干净🎍冲绳水云、松叶蟹冻蛋、鸭肉松风、蜜柑寒天：呢个前菜既丰富又好开胃😳妈咪劲爱冻蛋，滑溜又带清甜既松叶蟹肉味。蜜柑十分开胃，寒天又爽口，讲起都流哂口水✅季节料理-吉列甘鲷：甘鲷鱼肉鲜嫩，口感丰富，鱼肉保持了原有鲜甜味道。外面微微金黄，外酥内嫩，妈咪都大赞好食✅A4和牛 -肉眼，西冷，肩肉：厨师系我地面前烧和牛，烧到香喷喷，咬落热辣辣，和牛味超级浓郁，非常好味，肉汁软腍，越咬越多牛肉汁，好食到停唔到手，寿喜烧 友竟然仲有两款蛋比我哋食和牛，我偏好外观精美eye catching d 嘅云朵蛋，唔会抢走咗主角和牛嘅美味✅滑蛋盖饭：浓浓既滑蛋，再配上海量既葱同芝麻，香口惹味到不得了！加上软嫩可口既米饭，十分暖肚✅环境坐得好舒适，仲好静好有私隐度，今次同妈咪食得好开心，高质又好味😋