神木日本料理 (已結業)

难得平日放假，专登带埋老公去观塘食下日本嘢，好钟意呢间餐厅可以用合理嘅价钱去食一餐高质素的日本料理！餐厅宽敞舒适，装潢有点像日本居酒屋的气氛，非常用心牛肉他他 ($88)呢个牛肉大概有五成熟，食落完全无筋同埋无腥味，口感松软又富肉味，可见餐厅对原材料选取嘅认真，系诚意之作！神之特上刺身（六点盛） ($198)呢个刺身拼盘有齐牡丹虾、三文鱼、拖罗、油甘鱼、带子同埋我哋最钟意嘅左口鱼裙边，裙边位置就经过火灸，食落口非常有鱼油香气，肥厚多脂！其他刺身非常新鲜，可谓鱼肉肥美，味道香浓！青龙炸虾卷 ($78)本身就好钟意食炸虾，最紧要外皮睇落够金黄够卜卜脆，口感蓬松，再配埋蟹籽同埋沙律酱，增加虾卷嘅鲜甜味，非常好食！杂锦烧物 ($162)呢个烧物有齐鸡翼、鸡肾、鸡软骨、猪肉、蕃茄仔同埋翠玉瓜。烧物非常之香脆，火候掌握得且，肉感Juicy，炭烤的香气为串烧大大加分！是日special优惠-蒜蓉烧生蚝 ($60)生蚝入口柔软细腻，滑滑细致的口感，$10一只嚟讲，真系非常有惊喜！