CURATOR Art & Café (已結業)

还记得以前中学为左买村上隆花花扣而午饭时食三文治，结果两星期后终于买到，但返学一星期后就整唔见左...今日去到K11 Musea途经Lex Art Cafe见到一个巨型村上隆花花，立即停往了脚步，以上回忆立即浮现出嚟。女友同一时间都表示肚饿，所以我地就入左去。餐厅灯光充足，橱窗放满林林总总既潮流用品，其中包括耳熟能详嘅Kaws、村上隆等等。Breakfast Essential- 虽然而家系夜晚，但多士永远都无份早午晩既，尤其是见到咁性感嘅炒蛋，另外仲有肠仔粒同烟肉丝。- Curator Style PizzaPizza饼底好薄所以特别脆，配料比较常见，例如芝士同辣肉肠。最特别系加左红色黄色一粒粒既食材，一咬落去有少少爆汁，味道酸酸辣辣，令薄饼层次更丰富。- Artsy Print CoffeCurator Art Cafe其中一个特色就系艺术打印咖啡或朱古力，为表我对女友既浓蜜爱意，我拣左’I love u’既图片，朱古力味亦同样香浓。- Piccolo LattePiccolo latte即系迷你版拿铁，味道唔甜。杯子一样充满艺术感。