影片
更多
2024-02-29
98 浏览
(回忆系列第二集)拒绝帮衬老麦多时，因为份量愈嚟愈少，由其系猪柳汉堡同薯饼! 价钱不停加但份量不停减，被迫放弃!但系..... 不竟..... 老麦都陪伴住香港人成长，当然包括我啦! 不少小朋友阿妈都未认得就已经认得老麦个 Logo，所以..... 做回忆录，少不免都要讲吓老麦.四十年来，边间店舖嘅老麦仍然生存，记忆中..... 我只系记得太子哩间上二楼嘅老麦! 当然可能有其他分店，但当年我无帮衬过又无去过又无印象，所以暂时只打算写哩间.又回带返去四十年前，由老麦店舖望出去嘅风景，对面始创中心前身系两间戏院，无记错的话一间叫丽声一间叫凯声，当然帮衬过但忘记睇咩电影，联合广场前身系一间叫大大百货公司嘅总店，联合广场同始创中间系油站，依家已变成公园.当年老麦店舖其中一个特色系正方形唔系木质嘅木纹地板，深圳黄贝岭有间老麦，之后转手做咗小笼包店，但地板仍然系旧老麦地板，总系格格不入，餐厅买小笼包，地板系回忆汉堡包! 而太子哩间分店地板亦已经唔系当年木纹地板，转为白色地板.今次嚟帮衬，当然系点最不满嘅猪柳蛋汉堡，睇吓有无好转，另外炸鸡细只到好似炸乳鸽，又睇睇份量如何先? 而老麦亦不负众望，猪柳蛋
拒绝帮衬老麦多时，因为份量愈嚟愈少，由其系猪柳汉堡同薯饼! 价钱不停加但份量不停减，被迫放弃!
但系..... 不竟..... 老麦都陪伴住香港人成长，当然包括我啦! 不少小朋友阿妈都未认得就已经认得老麦个 Logo，所以..... 做回忆录，少不免都要讲吓老麦.
四十年来，边间店舖嘅老麦仍然生存，记忆中..... 我只系记得太子哩间上二楼嘅老麦! 当然可能有其他分店，但当年我无帮衬过又无去过又无印象，所以暂时只打算写哩间.
又回带返去四十年前，由老麦店舖望出去嘅风景，对面始创中心前身系两间戏院，无记错的话一间叫丽声一间叫凯声，当然帮衬过但忘记睇咩电影，联合广场前身系一间叫大大百货公司嘅总店，联合广场同始创中间系油站，依家已变成公园.
当年老麦店舖其中一个特色系正方形唔系木质嘅木纹地板，深圳黄贝岭有间老麦，之后转手做咗小笼包店，但地板仍然系旧老麦地板，总系格格不入，餐厅买小笼包，地板系回忆汉堡包! 而太子哩间分店地板亦已经唔系当年木纹地板，转为白色地板.
今次嚟帮衬，当然系点最不满嘅猪柳蛋汉堡，睇吓有无好转，另外炸鸡细只到好似炸乳鸽，又睇睇份量如何先? 而老麦亦不负众望，猪柳蛋仍然偷工减料，网上已经被网民话变成马卡龙都系唔改! 上层同底层面包份量明显唔同，上层明显大缩水，有相有真相，甚至依家连块猪柳都无咩味!
唔俾负评已经算系咁.
炸鸡原身一定系只BB鸡仔，上脾长度只有一包泰式酱嘅 size，而且味道带辣，小朋友可能唔多 like.
总之点个巨无霸啦，因为巨无霸更贴题，四十年前巨无霸有首打油诗㖭，不过无啦.... 都唔再打算帮衬......
(注：回忆系列系揾一D小弟系四十年前曾经帮衬过或遇见过嘅餐厅，不论好味与否，不论是否已转名转手.)
张贴
