本茶 (已結業)

店舖虽小，但未行到店舖已经会闻到浓浓嘅抹茶丶焙茶丶玄米茶味。对于抹茶丶焙茶爱好者嘅我嚟讲，简直系天堂！点解？因为呢度用嘅茶粉系来自京都丶宇治三大人气品牌：福寿园丶丸久小山园同伊藤久佑卫门。论抹茶嘅香浓，个人觉得呢3个品牌比中村藤吉更优胜。论焙茶的话，我仍然最爱中村藤吉。本来想要焙茶芭菲&抹茶芭菲，点知今日无焙茶啫喱，唯有点焙茶软雪糕+玄米花。呢度嘅焙茶雪糕够焙茶香，比较挺身，唔会好奶好creamy，玄米花胀卜卜又够脆又够香，唔会有阵烘㶶味(个人觉得中村用嘅玄米花唔够胀卜卜丶唔够脆，而且有阵烘焦味)。呢个焙茶雪糕+玄米花简单配搭已经令人好满足！ 至于抹茶芭菲真系无得弹！软雪糕上面洒咗抹茶粉，食落更香浓抹茶味，同玄米花混埋好夹，仲有北海道十胜红豆蓉好香好棉而唔会太甜，个抹茶啫喱好软身滑溜。食到一半，我仲食到淡淡黑蜜味道，真系超正！