十六座車仔麵

营业中

休息中

16座车仔面系以前旧秀茂坪16座，令小编想起小时候喺蓝田住𠮶阵，喺大排档食嘅车仔面，以前旧式嘅公屋系以坐数嚟分嘅， 16座刚好就系小编喺蓝田就读嘅幼稚园嘅位置，所以对16座非常之有亲切感。食店嘅装修都有用返旧日公屋排档设计， 大黑板旁边嘅传递食物窗口上面， 16座字眼嘅设计系昔日公屋大厦外墙嘅模样，真系好令人怀念~嚟到食车仔面，拣嘅𩠌一定唔少得，猪红、猪皮、猪肠、萝卜… 猪红嘅味道值得一赞，去咗咁多间嘅车仔面，暂时只有16座呢度最好味 猪肠、猪皮、萝卜都好入味，萝卜炆到好淋。金沙青系每日限量嘅，味道好好肉质好淋。鸡翼都炆到好淋好入味，肉质嫩滑。豆浆味道好似维他奶。牛腩汁汤底都非常之好。