十六座車仔麵

营业中

休息中

鋪頭較細，裝修帶懷舊港式風味。餐牌都有有d 新鮮感嘅湯底同菜式。🤔胡椒湯底：餐牌話係Number one，就試吓。味道係滷水味加明顯嘅胡椒味，但唔係原本預期中胡椒豬肚湯嗰種味。正常味道，不過不失，冇話好出色。👌🏼豬骨清湯底加腩汁：味道係屬於比較清淡帶少少甜。🙁蕃茄麵：唔係預期中酸酸甜甜嘅味道。冇咩味，唔值得加錢試。材料：😋九品鮑魚麵$88，材料幾豐富。最鐘意冬菇，味道好濃郁，好似係乾冬菇整出嚟嘅味道。😋厚牛脷 & 牛舌心：兩者質感味道都好味。👌🏼騸牯牛肉：都幾嫩滑，但就唔係好重牛味。🙁鵝腸： 麻麻，冇咩味又好韌。🙁滷水百葉豆腐：質感又硬又爽口，冇咩味，又唔吸汁，個人麻麻。環境： ★★☆☆☆ 食物： ★★★☆☆ 性價比： ★★★☆☆ 推介度： ★★★☆☆

去叫外賣，佢有2個舖位，吖叔打開門“幾位？”，我話外賣佢就咁講嗌一聲“隔離！”然後就閂門，已經心情差左，但真心已經好攰5想再行，唉，咁就去隔離舖order。吖嬸話外賣可以掃碼落單，唉，你已經係度，作為店員落埋單好正常啫，算。掃碼order油面微辣加腩汁，魷魚豬皮金銀肚，埋單$61，算。返到屋企一打開!!! 豬紅豬大腸牛舌...有冇搞錯...魷魚$18吖...😭😭我諗可能係職員同隔離個女仔調轉左外賣袋，因為我確認過外賣袋係我嘅number係我嘅order先攞走嘅。唉，黑仔，未食已經知道5會再去。但係我諗諗下唔對路，油面微辣加腩汁連埋飲品都係岩嘅，只有唔會打開蓋check嘅餸係錯嘅，咁...大家自己諗下...至於個面，先5講佢唔小心定特登俾平嘅餸我，淨係個面，冇扣底都好少，餸又少，唉，貼錢買難受！

今天一家到金魚街看金魚，小兒愛看金魚。把金魚街也行了幾次，累了便到附近十六座車仔麵，今天叫了一個十優麵，內裏有牛腩、牛脷、魚蛋、翼尖、豬紅、東菇等十種美食，再加上油麵，湯底美味,餸亦很多，吃完還有迷你可樂，真是超級超值。

當晚食左兩碗淨餸總數$140，諗住俾八達通，嘟左兩次都無反應，個後生男仔員工一開聲就話我張八達通壞架，我心諗入嚟食野前响隔離街7仔先啱啱買完野嘟到，唔俾係你部機壞？咁我咪唯有攞銀包裡面唯一嘅百五蚊現金俾，但佢就勁黑面翹起雙手“jet”左我一聲，仲話下次有現金就唔好嘥時間，我真心覺得咩事咁態度做生意，講真啲野食份量搵笨地少已無出聲，淨餸竟然同有粉麵嘅餸量一樣，難道而家免費食唔駛錢？定你想講要傳承以前屋邨樓梯底鬧客嘅作風？我唔駛你講多謝，但請自重！永無下次！

嘩！行過呢間小店，聞到陣陣香氣，不由自主咁走咗入去。呢度嘅車仔麵真係有料到爆！🤤我點咗一碗鮮蝦炒粉麵，啲蝦仔彈牙得嚟又新鮮，炒粉麵絲滑得滯，翻炒得火候剛剛好，每啖都食到啲soya sauce嘅香濃，真係食到停唔到口！然後仲有個芝士豬扒包，嗰層芝士咁軟塌塌又稔，豬扒香煎到啱啱好，內裏嘅肉汁保留得宜，咬落去真係超滿足！😍甜品方面，我揀咗個檸檬撻，啱啱好嘅酸甜口感，檸檬香氣夠晒清新，底部嘅餅皮酥脆過癮，簡直是完美嘅結局。食物精緻得嚟唔貴，好適合街坊日常嚟吞嚟吐。整體嚟講，呢度嘅食物質素真係正！店家用心，味道地道，下次再嚟我一定要試多啲唔同嘢！👍🏻咸香嘅蝦、濃郁嘅豬扒包同清新嘅檸檬撻，食完之後心情都好咗！呢度正宗又平民化，真係值得推介！

尋日同男朋友行完寵物商店，又行吓金魚街之後，大約7:30有啲肚餓，就去搵嘢食。琴日成日個心都想食車仔麵😌，所以行吓行吓，見到16座就去試試。其實食飯時間但喺門口見到得兩個人，都驚驚地，但心諗又真係好想食車仔面麵同埋呢間嘢都聽過吓，就是但啦試吓啦。入到去選擇困難症左一輪🧐，最後揀咗最原始既自選三餸車仔麵，要咗大腸、陳皮魚蛋同埋魚肚扒，豬骨湯底大辣配米粉。而男朋友要咗餐牌推薦既雞翼，魚肚扒同金沙青，麻辣湯底大辣配粗麵。等咗唔夠兩分鐘，哈！好快就有嘢食。第一眼我就覺得好少餸，試吓個湯，WHAT！勁咸😕仲好化學辣🤬我呢啲辣妹食開辣既一食就知呢啲辣好人工化！唔係天然！我男朋友嗰碗一樣又少餸、味又勁假、勁咸，最搞嘢係個粗麵好似無煮過咁，勁硬！仲食到入面有麵粉！多謝晒😩啲餸質素只有隻雞翼好啲，其他都好唔掂。魚蛋死實實可以掟死人，豬腸炆唔腍，個所謂嘅魚肚扒即係大塊啲既沙爆魚肚，正常應該係琳琳滑滑，但係佢係爽口嘅，口感好古怪🤪我哋仲每人要咗一支嘢飲，但係嘢飲提唔提都罷啦！我男朋友飲齋啡，我呢就要咗支咩新鮮鮮榨濃縮檸檬茶，個茶底唔靚就預咗，仲要又苦又澀🤢，好難飲😑最後埋單承惠$150，貼錢買難受☹️點解？因

工作完巳經差不多晚上九時，想食得健康d又不太多。於是去了十八座車仔麵，座位不多，有吧枱但我唔想坐高，揀了長枱坐。長枱嘅枱面有用膠板分開，令顧客坐得安心。因為想食菜揀左小食生菜拼菜肉餃和蘿蔔, 味道普通份量不多，啱哂我胃口友人點了芫茜牛肉小鍋，另加豬皮、牛舌芯。湯底有足料芫茜很香，豬皮入味，牛舌芯爽口，牛肉夠捻但量少。如果想快食，車仔麵也是不错選擇。

端午節個日放假行花墟，經過入去食個車仔麵，餐廳好細，座位唔多，落單係用過咗膠嘅餐牌✅返食乜，但係個餐牌好污糟，好油，真係唔想掂見到牆上有個牛腩四品麵餐，乾脆要咗兩個餐就算，我要中辣，老公要清湯，但我哋都發現兩碗都係死咸，而我碗中辣係好化學辣個種，好古怪，魚旦好腥，牛腩超柴，咬一啖就攝實D牙碗麵份量唔多，但都唔想食，因為實在太難食，味精極重手，口渴左成日！另外間舖冷氣唔夠，唔知係壞定係刻意唔開涼D，迫D客快D走！絕無下次

店內有佈置好有心思，點餐的食物未到，都可以感受一下，仿佛回到80年代家中某個角落一樣，木門框、筷子架、油漆水杯（用來插筆）、電燈制、鐵信箱……車仔麵又叫嗱喳麵，小時候喜歡沾甜醬吃陳皮魚旦配米粉，長大了喜歡沾辣椒醬吃，不過唔知點解當年會有甜醬㗎呢？！🤔這裡就沒有甜醬和辣醬了，辣椒油也不見在枱面，在紙上可以選擇喜歡的湯底和辣度，我吃得辣，點中辣已經不用再加辣了。職員告訴我，點了3個餸的麵餐，可以半價加飲品。我加了膠樽裝的六花茶，不知道是哪六種花呢！只知道入面有杞子😋好飲，不太甜。重點是，我吃完麵之後，沒有一口氣飲把飲品喝掉，還剩下半支放在袋中。我今次點了車仔麵3寶：豬紅，豬皮，豬大腸，芫荽麵。聽外國家人說，豬紅在外國很難吃到嫰滑，這間店的，我覺得下次可以介紹他，因為不太柴，嫰滑的。豬皮炆得透但唔爛，又入味，豬腸賣相就有啲參差，但都好味。我喜歡吃的大腸是好似車呔咁嘅款嘅有皮，有肉，有脂肪，看到層次得。芫荽麵，質地和麵感从粗麵，不太吃到芫荽味，可能我點了中辣，辣味蓋過了吧！其實車仔麵又點止三寶，我其實想點埋雞尖，蘿蔔，魚旦，咖哩魷魚……可是一個人又點吃到這麼多（個人覺得3餸加麵份量都好夠飽），

米粉係彈牙既，好味雞尖好入味，新鮮的唔同出面果d一咬入口係散哂林pat pat豬皮係算係比一般車仔麵厚切，食落去口感會滿足d,幾好豬腸,對於我個人黎講就厚左d叫左大辣，係掂既唔同好多餐廳大辣好似小辣咁而且辣得黎幾香整體黎講，覺得幾高分環境 服務都很不錯張相係影得衰d因為未食前影，冇打算想出post 不過食完係覺得值得推薦的

呢間車仔麵檔有兩層，學校元素做主題，又黑板又九因歌🤣裝修幾有趣，車仔麵又好食😆🦥懷舊四品麵餐$35配料有雞翼、魚蛋、豬紅、唐生菜呢個懷舊麵餐跟咗四個餸唔洗自己諗，揀咗配公仔麵🍜啲配料都幾入味，豬紅好食👍🏻👍🏻但呢款湯底就無咩特別飲品選咗伯爵茶，但浸泡太耐變得好苦☕️🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 十六座車仔麵 (旺角)旺角通菜街103號地舖

總共叫左5個餸，番到屋企打開食食下唔對路，已經發覺少左魚蛋再食多陣發覺連豆腐都無俾到。俾少一個餸可以話唔小心，俾少二個相信係有心欺騙。有幾多個外賣車仔麵會打開個碗檢查，相信店家就係睇中呢一點。。。

呢間十六座車仔麵喺太子都有分店，佢哋有好多特別食材。我最鍾意佢哋個【藥膳.酸辣小窩】好味。今次去仲發現佢哋有好多小食…例如【黃金豆腐】外脆內熱,【炸雞卷】多汁，仲有【炸大腸】一D唔肥層皮仲要脆。今次食完仲有卡仔儲印花……職員同我講話儲齊3個印仔就送雞翼3隻，旺角店同太子店通用特別……我去果日天氣好凍我叫咗枝【杞子六花茶】，職員好窩心咁問我需唔需要幫我【暖】返枝飲品因為天氣凍飲枝暖嘢會舒服D…佢一問我一聽就感覺好貼心。

十六座曾經我覺得好食，旺角店我都食過好幾次，因為好耐冇食特登去咗太子店，好可惜今非昔比，個人認為超級咸和味精，我食咗都冇一半真係食唔落了…再見十六座，我以後都唔會再嚟

一路都有幫襯開呢間車仔麵，前前後後都有六七年，雖然D嘢食越嚟越貴，但因為方便所以一路都有食開。但今日真係俾個員工激到到以後都唔會再幫襯。我係去買外賣嘅，咁俾錢嗰陣時我發現身上得返500蚊紙，咁冇辦法都只可以咁俾，跟住個員工就係咁比面色我睇，咁其實我都明白佢都想收可能$100或者50蚊紙，咁同佢講咗我身上真係冇，咁我可以做啲咩呢？跟住等外賣嘅時候，因為天氣好熱我問嗰個員工可唔可以喺入邊等，嗰位員工好冇禮貌咁樣話：因為我冇嘟安心出行，所以如果衛生署嘅人嚟查嘅話我要後果自負。跟住我同佢講但係我買外賣喎，跟住佢話因為餐廳入邊呢係一定要都安心出行嘅如果我要等嘅話你應該出返去等。先唔好講我喺其他餐廳買外賣嘅時候佢都係會比我喺餐廳入邊等嘅，就算有啲地方係就真係唔俾餐廳入邊等，佢都會一開始就同我講可能外賣要喺出邊等，而唔係好似呢位員工咁樣嘅陰陽怪氣咁講話我要後果自負。我真係希望佢可以改善吓自己囉，又或者呢如果唔識講嘢呢就搵第二個人嚟講，陰陽怪氣係做乜事呢請問？