北京水餃店

营业中

休息中

捉紧岁月痕迹嘅尾巴，疫情真系令到好多小店逐一结业，食得一间得一间，位于元朗击壤路嘅北京水饺店，门面同装修都比人一种好残旧嘅感觉，但系千其吾好睇小佢地嘅食物，可能会比到惊喜大家…酸辣汤云吞配豆浆（$49）坊间酸辣汤一系好酸一系就好辣，而且食材比较少，呢到嘅酸辣汤间直系多料到爆炸，我觉得系元朗最好食嘅酸辣汤，有木耳丝、笋丝、红萝卜丝、肉丝、蛋丝、豆腐、猪红，成碗都系！食落去酸度适中，微辣嘅后劲，可能呢种就系老北京嘅做法，云吞皮薄菜肉馅配埋酸辣汤一齐食好顺滑，汤入边有六大粒，饱到上心口…牛肉馅饼（$28@2）牛肉馅饼主要用洋葱同牛肉作馅料，今次呢两件就啱啱煎起佢，热辣辣脆卜卜，佢喺门口会有个铁板炉不停咁样煎，好多人收工都会去买黎食，啱啱熟嘅洋葱丝唔会太林有辛辣同埋甜味，牛肉馅带少少酸味，呢款馅饼唔系好多汤汁但系胜在足料…大家唔好期望呢啲开咗好耐嘅小店卫生情况有几咁好，地下系比较滑但枱面基本系干净嘅…回忆麻！