夏銘記

营业中

休息中

相信如果以前係何文田返學的朋友，一定會食過夏銘記的魚蛋粉，勝利道果間關門之後，係唔同既地方都有開過，而今次就係佐敦開店，當然要去食返個回憶啦！餐廳舖子小小，座位不算好多，平日非繁忙時間去都爆滿，可見受歡迎程度！紫菜魚四寶河，四寶河有魚蛋、魚片、墨魚丸同埋魚餃，不過沒有墨魚丸，轉了雲吞！魚蛋同蛋片魚味濃郁，口感唔錯！魚餃都好濃魚味，比平時出面食到的更美味！雲吞有大大隻蝦仁係入面，鮮甜彈牙！紫菜份量好多，再加埋佢地既辣椒油食，夠哂正！牛筋腩麵，幼麵彈牙，牛腩入味鬆軟，牛筋彈牙！鮮炸金黃魚片，魚片味道咸香，魚味濃郁，差不多每枱都點一份黎食！食夏銘記當然要飲返枝冰凍玻璃樽裝汽水啦，回憶返哂黎呀！