十六座車仔麵

营业中

休息中

迟迟未食晏，行经呢条食街，就入咗去「十六座车仔面」医医肚。餐牌用胶片过胶，蜡笔写餐，清晰又可循环再用，环保值得一赞。下午茶时间选三𩠌面饮品半价，所以我就拣咗金沙青、鸡肠、鸡翼同鲜榨柠檬汁。饮品先上，柠檬汁咸咸酸酸，和我想想中的有点不同，味道有点似咸柠檬汁，饮到最尾有果肉，但又食唔出系柠檬，整体味道有点奇怪。(6/10分)之后面都好快上枱，份量极少，拎上嚟面都睇唔到，啲𩠌又沉晒咗一半。汤底偏咸，个辣汁都几香几好味。面系九州刀面，煮得太碎偏淋，口感麻麻。鸡肠唔系脆肠，脂肪太多，唔好食。不过，金沙青肉爽、鸡翼都入味，算系唔错。整体而言味道还好。(6.8/10分)旧时嘅车仔面本应系大份又抵食嘅平民美食，但近年车仔面入舖卖装修、卖回忆。呢餐最后埋单54$仲要唔饱，实在有点失落。