大喜屋 (已結業)

经过成个星期既工作，终于都到左星期五！今日放左工之后，去左同朋友食位于铜锣湾既大喜屋放题。我地食晚上六点钟既时段，唔算好多人，同埋都唔太逼，我地两个人去都有张四人枱，坐得几舒服。 一开头叫剌身就少不免啦！我地叫左甜虾、北海道鲜带子、虎虾、三文鱼，d 刺身几新觧，唔错！至于寿司，我地就叫左大灸蒜香大虾寿司、黄金蟹棒寿司、火灸左口鱼寿司、芥辣八爪鱼军舰同埋辣味三文鱼寿司。每件寿司都细细件，可以试晒佢地又唔会太饱！ 熟食都有唔少选择！当中最中意佢个芝士波，好烟韧！最后，甜品方面仲有Haagen Daz 既雪糕！除左雪糕，我地仲叫左法式炖蛋、桂花椰汁糕、榴梿糯米糍同埋软身芝士饼。D甜品都好有质素，味道适中，唔会太甜！今晚真系过左一个好「丰富」既晚上~