Hungry Monkey (海之戀商場) (已結業)

多谢家姐之前请我食咗餐劲正嘅Omakase来洗尘，今次轮到我请客。行完荃湾Donki Donki，去呢间新派居酒屋饮番杯啤酒，食下铁板烧。重点系飞起个仔，就可自由自在，连饮两大杯啤酒🍻爽爆！居酒屋嘅好处就系每样分量细细地，但系可以不停嗌，食晕好多款小食。前菜最有特色系冰头渍，好爽口弹牙开胃，原来系三文鱼头软骨。每一款海鲜都可以只嗌一只来试，几正。烧蛏子皇、日本原只帆立贝、北寄贝都好鲜甜，爽口又弹牙。清酒煮蚬好趣怪，上枱时用一个袋袋住，好似拆礼物咁，啲蚬非常鲜甜，啖啖肉而且一啲沙都冇，个汤仲好香清酒同蒜味，我都饮咗好多。个芝士御好烧非常浓芝士味，好钟意食重味芝士嘅先好叫。铁板疏乎厘几有特色，坐吧枱就可以睇住师傅喺铁板度烧俾你食。