名館 (已結業)

为答谢P哥送赠迷你兵兵礼物，周日小肥就喺中环一间几人气o既「名馆」度请食晏作回礼。餐店装潢时尚，光线充裕，空间感足。二人被安排入座彩笼墙边o既云石散枱。埋位即有热米茶饮。桌上自用餐具齐全，仲好卫生地早已备好套装湿纸巾。碗底印有玄机妙句：「有时缘浅却回味深远」。。。咁算唔算系「浅亦深时，深亦浅」？！叫𩠌只虽直接填写点菜纸，简单易明；另附上厚本彩图餐牌供参考之用。两口子就凭相拣选菜式。厚切叉烧皇（$88）：半肥瘦o既叉烧皮脆肉松爽，香甜讨好。鲜虾金鱼饺（$58）：整顿午餐最精彩必选此味外形趣致可爱o既金鱼饺。三条小金鱼白里透橙、暗闪金光、饱满结实，细佬当然系忍唔住要影多几幅相同大家分享啦！真系估唔到金鱼饺不单样靓身材正，咬落更加系皮层软润，虾心爽嫩脆口，比起早前喺两间自称为高级中餐厅食过𠮶啲虾饺认真好食且抵食得多！养肝参炖鹧鸪（$88）：以茶壶连茶杯上o既鹧鸪汤先由楼面姐姐斟满两小杯。打开壶盖，即可见到人参下有成对鸡脚、厚件猪肉及半只鹧鸪，济得满满，十分足料。以养肝参炖煮o既鹧鸪清汤参味甘香带甜，润而不腻，极易入口。和风樱花虾炒饭（$118）：真系估唔到炒饭会咁大碗同咁满，饭面仲要舖满金黄