古琴雅苑 (QRE Plaza)

营业中

休息中

隔咗一段时间冇食填鸭，当然要番嚟呢到过下口瘾烤北京填鸭质素依然，差唔多台台都嗌咁制。鸭肉嫩滑，鸭皮香脆，刀工好，唔会切到好肥。配上蜂蜜黄梅酱同京酱，包上清爽香甜哈密瓜，令鸭皮食落去唔腻，酸酸甜甜更加开胃。至尊拼盘岩晒几个人分享，有醉鸡、鸡丝粉皮、水晶肉、洋黄瓜等冷盘。唔好睇洋黄瓜平平凡凡，味道清新，有咸香虾米仔配上微微醋香更加开胃。风味松子鱼鱼肉外层金黄酥脆，肉质细嫩鲜香，表面洒上香脆松子仁，搭配三色椒同菠萝而成嘅甜酸酱，令呢道菜色泽艳丽。鱼肉冇骨，啖啖香脆嫩肉，正！柑桔酸梅茶夏日炎炎最岩饮，柑桔清香，酸甜解渴。