影片
更多
2012-07-14
34 浏览
又系久唔久揾表姪女食晏嘅日子，听佢阿妈讲，即系我表嫂，话佢近排好似乖咗，不过啲懒嘢仲时不时有，唉，依家啲细路真难教！表姪女系寿司迷，不过佢阿妈唔系好俾佢食啲生嘅寿司，怕唔安全，所以查实佢食寿司嘅选择唔多，但因为食寿司（尤其回转位）佢可以自己拣，所以佢咪钟意啰，小朋友有时就系咁，有时钟意一样嘢原因未必系佢好好，只系因为有自主权。既然食寿司，就番佢哋一家，去返同区嘅「大丸」。跟上次一样，当然坐回转位，全程表姪女想食乜就拎乜，但系晌回转带出嘅寿司比上次少咗，仲要嚟嚟去去都系𠮶几款，侍应解释：有时客唔多，就唔会摆太多寿司晌上面，为尽量保持鲜度，建议客人剔纸仔点寿司。哩个任务就俾咗阿表姪女身上，等佢都叫有得自己拣吓，以下就细说当日食咗乜。加州卷 $20第一碟上嘅就系依个卷物，卖相认真唔得，首先系包得松散，中间嘅材料无紧贴晌米饭之中，而米饭部份又边厚边薄，材料除青瓜、蟹柳、鸡蛋，亦唔见有牛油果；最「揦西」系反卷嘅外层沾蟹籽同唧沙律酱，绝对系马虎之作。味道？普通啰！玉子寿司 $10表姪女必食之选，因为安全指数系100。玉子煎得一般，蛋面断断裂裂影响卖相，幸好几有蛋味，而饭粒黏糯唔死实。蟹柳寿司 $1
表姪女系寿司迷，不过佢阿妈唔系好俾佢食啲生嘅寿司，怕唔安全，所以查实佢食寿司嘅选择唔多，但因为食寿司（尤其回转位）佢可以自己拣，所以佢咪钟意啰，小朋友有时就系咁，有时钟意一样嘢原因未必系佢好好，只系因为有自主权。既然食寿司，就番佢哋一家，去返同区嘅「大丸」。
跟上次一样，当然坐回转位，全程表姪女想食乜就拎乜，但系晌回转带出嘅寿司比上次少咗，仲要嚟嚟去去都系𠮶几款，侍应解释：有时客唔多，就唔会摆太多寿司晌上面，为尽量保持鲜度，建议客人剔纸仔点寿司。哩个任务就俾咗阿表姪女身上，等佢都叫有得自己拣吓，以下就细说当日食咗乜。
加州卷 $20第一碟上嘅就系依个卷物，卖相认真唔得，首先系包得松散，中间嘅材料无紧贴晌米饭之中，而米饭部份又边厚边薄，材料除青瓜、蟹柳、鸡蛋，亦唔见有牛油果；最「揦西」系反卷嘅外层沾蟹籽同唧沙律酱，绝对系马虎之作。味道？普通啰！
玉子寿司 $10表姪女必食之选，因为安全指数系100。玉子煎得一般，蛋面断断裂裂影响卖相，幸好几有蛋味，而饭粒黏糯唔死实。
蟹柳寿司 $10蟹柳唔错㖞，比起超市一大排𠮶啲蟹柳好食好多。
火炙三文鱼寿司 $16
几款寿司中，以依个火炙做得最好，三文鱼满有油香，火炙后嘅带点点焦香，而且外观层次感突出咗，因为系生鱼，就只系我同表哥可以享受到。
味附螺肉军舰 $15
大大粒螺肉铺满军舰之上，螺肉烟韧带微辣，始终唔钟意螺肉成日跟住「杯挞挞」嘅鼻涕酱。
蟹籽沙律腐皮寿司 $18小弟觉得佢几特别，蟹籽沙律几清新，腐皮作底包著寿司饭，口感特别，又唔怕夹起时啲饭会散晒，两口一件就搞掂。
烟鸭胸手卷 $10
系表姪女同表嫂共享之物，无试，所以不便评论。只系以$10咁嘅价钱，有几旧烟鸭胸，配装满饭嘅手卷，都抵食嘅。
蟹籽手卷 $15唔好见以为好多蟹籽，其实都系得面面一朕，还好系蟹籽唔腥，紫菜又够脆。
日式叉烧拉面 $42
拉面口感算系几弹牙，但份量偏少，跟四小片叉烧，附有粟米、紫菜、鸣门卷。叉烧有别常见嘅卷形，表哥一家话钟意佢唔肥，亦都几入味。唯一可惜系个汤底，唔浓郁，很稀身，只系一般般！
日式鳗鱼炒饭 $58个炒饭唔单只以有鳗鱼粒，仲加咗啲鳗鱼汁嚟炒，饭粒炒得「匀巡」又分明，所以食起嚟几爽，而且颇为惹味，算今趟嘅惊喜！
大丸作为地区街坊小店，食物质素还可以，但整体感觉已经无最初咁好；虽然个女经理都好好招呼，服务有礼，不过相比起一啲大连锁寿司店、拉面专门店，就真系比下去喇！最近经过，都见佢开始做放题，似乎希望藉放题挽回一下个势。不过，睇番对下几个食家对佢放题嘅评语，绝对系做坏自己个名啰！既然想将价就货，奉劝佢都系无谓做喇，啲客试得你一次，无回头啦。仲咁搞，真系走唔落去。张贴
