叁不館

营业中

休息中

近来个个都响社交平台 讲九龙城寨有几好睇，无意中见到有个朋友嚟咗呢间都系同城寨有关嘅火锅店打卡，见啲嘢食同埋环境都好似几吸引，bookmark完今日终于有时间嚟试吓~ 一入到餐厅已经见到啲好有feel嘅霓虹灯同埋壁画，装修真系花足心思，希望嘢食都好食啦~ 因为我哋得两个人所以都唔系叫咗好多嘢，我哋叫咗卜卜蚬锅底已经好足料劲多蚬，所以配料我哋都唔需要叫太多~ 老公系牛魔王所以叫咗两碟牛肉，虽然价钱唔平不过好高质素，牛味重肉质好，脂肪分布平均另外叫咗碟手工饺子，有午餐肉饺又有芫荽饺同埋菜饺，皮薄馅靓几好食~ 另外餐厅嘅自制葱头油我哋都买咗罐返屋企，捞面/点肉一流临走前我哋仲见到餐厅有个一蚊啤酒优惠好似好吸引，不过我哋得两个人就冇饮啤酒啦，但系一大班朋友嚟用呢个优惠应该几开心! 总括嚟讲餐厅质素都唔错，下次可以带埋屋企人或者朋友嚟就可以叫多啲嘢试多啲