聚寶廚坊 (已結業)

聚宝厨坊(20/5) 星期五 晚上7点左右特式：因为我本身住得近，又加上星期五既晚上，周围都爆场或好难book位既情况下，又想食鸡煲，就会谂起佢而拣佢。食物：叫左个中鸡煲餐，鸡煲份量有半只鸡，包一碟牛肉，一碟莴笋，一盆菜，一碟蟹柳棒，两个乌冬。(个餐$3xx) 佢个鸡煲虽然味道好普通，但都做得唔差，起码对得住个价钱；牛肉都唔差，起码好过酒楼个d任食火锅牛肉好多；菜类都正常新鲜；蟹柳棒就系类似X宝好少少个d。饮品：叫左几支Hoegaarden，2x蚊支唔算贵。环境：舖头唔算大，但星期五晚都仲有几多位，有卡位或大枱，唔算太干净，但又未到反感，坐得都算舒服。服务：楼面态度ok，会主动同你睇下个鸡煲熟未，亦会主动睇下你洗唔洗加啤酒同收碗碟。价钱：两条友去食，以上既野都食到饱晒，埋单都系400左右，真心唔算贵，三两知已聚一聚都系一个唔错既地方。