星級扒房 (已結業)

今年团年饭顺应家人的要求，转换下口味唔食中菜食据扒！因为临时决定而且同长老去当然要坐得舒服啦，见食评好坏参半但因为想食嘅几间都Book唔到，咁啱呢间有位就试试佢。Book 左7点半但老人家心急七点已经入座，侍应态度都几好可以比提早入座，一入去环境算唔错虽然偏暗但大部份座位都有射灯。我地拣1.5小时半自助+牛扒套餐, 价钱由$148 ~ 308 不等。最后叫 3份安格斯极上西冷牛扒 七成熟 & 2份烤澈澳洲M7和牛腹肌伴红酒蜜梨 5成熟。大约等30分钟左右上牛扒, 系等上牛扒时, 我明白点解会有自助吧食沙律, 洋葱扎肉沙律够开胃& 薯角都好好食, 大家都食左唔少! 开头仲担心会唔会食沙律食饱左= =" 点知份安格斯牛扒真系好唔掂.....叫7成熟已经碟上, 但就咁睇都觉得系十成熟.. 又"鞋"又好有赵口.... 每啖都要赵成分几2分钟都食到几攰。 老公拣 M7和牛腹肌反而好少少, 起码系5成熟有血得来外面系熟熟地, 入口有烤肉味但都系好有赵口...如果要比分, 我只会比65分, 收得咁既价钱而且仲要叫系食扒既地方但D扒比沙律仲要失色...大X乐嘅扒都分分钟好食过佢，真系唔会再考虑返去食。