鳳城酒家 (已結業)

接近新年，又系打开肚皮食食食既机会。公司一班同事放工后食返餐好既，大呀姐话想食中菜，所以最后㨂咗食凤城酒家，老字号实稳阵啦。 乳猪拼盆－乳猪生肠拼盘（例牌），乳猪不错，第一个𩠌一上大家都好似前世无食饭咁，我挂住影相净系试到乳猪，其他人话生肠好正。上汤炸粉果－佢哋话呢个系必叫架，要先将粉果浸一浸喺汤内再食。我唔多钟意食粉果，个人认为无咩特别，不过佢哋全部都食到津津有味咁。炸子鸡－呢个好推介，鸡皮又脆又薄，又热辣辣，唔够五分钟清晒虾多士－原只大虾，真材实料，不过都几油腻，食一件啱啱好清蒸海中斑－蒸既火喉刚好螺片扒时蔬－劲多豆苗，豆苗煮到脆绿，唔会煮过火。不过真系咸咗啲，有改善既空间瑶柱冬蓉羹－好杰好杰，劲足料，一人一大碗劲满足干烧伊面，炒得够晒干身入味焗莲蓉西米布甸，唔会太甜，好大阵莲蓉味，怀旧的味道。 临走影咗张大合照，帮手影相个姐姐好好笑容，笑得仲开心过我哋，好好笑呀。