和幸吧 (已結業)

团购咗和幸，一直都好期待，原打算5月时食，点知自己唔得闲，要改到六月。book 咗1:30，未够钟无得入，要喺出面等到够钟。够钟即安排入座，一坐低，店员就枱枱开始派食物。先黎野菜沙律、冷豆腐同味噌汤。野菜沙律清新，个汁酸酸地，很开胃。冷豆腐个麻酱好淡，同埋个碟底有水，所以麻酱味很淡。味噌汤不错，不会太咸。然后，店员就送上一大碟烧肉拼盘、牛舌同珍珠米饭。牛舌无得追加，个拼盘上嘅食物全都可追加，超正。牛舌无得追加唔算系损失，因为牛舌太薄，无牛味，又太韧，完全没口感可言。拼盘有牛小排、柚子豚、辣味鸡肉、味噌鸡肉、烧汁鸡翼、 盐烧鸡翼、青椒同粟米。牛小排第一轮的系好食嘅，油花均匀，牛味浓，可口。但追加嘅牛肉就无咁好喇，好肥，像肥牛一样肥。柚子豚虽无柚子味，但系系我地全家嘅至爱，因为超厚切，口感一流，烧完之后，猪颈肉嘅肥油都烧晒出黎，所以食嘅时候唔会觉太肥腻。鸡肉，虽然有2只调味，但唔多食得出，两者味道相约，鸡肉嫩滑。鸡翼，一向系我嘅至爱，佢地将鸡翼中间一开成二，方便食。鸡翼真系食好多只都得~粟米好甜，食咁多肉都真系要食d vege。最后以奶冻作结，好饱好饱又好抵嘅一餐！满意满意满意~~~