大利清湯腩 (已結業)

大家都总爱对大利同华姐依两间姊弟铺比较一下，因此本虫都决定实地考察一下。先讲服务，明显大利的侍应好似较有经验，人人都以娴熟嘅手法招呼顾客，不过唔知系咪做得太耐做到纯晒，佢哋好似差咗少少笑容，面口有啲木讷，所以技术上佢哋较佳，但态度上华姐𠮶边就好似占优。食品方面，华姐除咗传统嘅牛腩面外加咗唔少小食入餐牌度，而且无因此影响首本菜嘅质素；而大利就十年如一日咁卖佢哋嘅清汤腩，最大嘅变化都只不过系有咖喱汤底拣，睇嚟有啲固步自封。品质控制方面，大利有时有啲飘忽，如果发挥到最佳时，华姐可能稍逊一筹，但大利有时会整到啲腩好韧，咁就对整体形象大打折扣。所以纵合嚟讲，我觉得华姐做得较现代化，平均嚟讲质素较有保证，但大利就胜在传统手法，心情好时会有大师级水准，遇唔遇到就睇顾客嘅彩数。