一樓咖啡室 (已結業)

容许我讲：一流嘅位置， 九流嘅食物！连续三年嘅国庆日都去咗不同嘅酒店食自助餐同睇烟花。今年嘅经验可以话系最差。卫生差其实大时大节食自助餐都预咗同人迫同埋质素参差啲。但系今次我觉得系卫生都好差。其实睇到佢成晚嘅员工都系见习生居多。我哋食烧烤嘅时候就见到佢用同一个钳夹啲生嘅带子，再用同一个钳夹D熟嘅鱼俾我食。其实呢一个系好普通嘅卫生常识，生同属嘅食物要分开处理。自助餐啲食物碟上面有好多水，作为一间四星级嘅酒店，系咪应该花啲钱去装置一啲暖碟嘅机呢。食物味道差，选择少沙律嘅选择就系几种菜自己mix.冷盘嘅食物海鲜种类尚算可以但,但系味道好难食。我攞咗几只蟹钳拆开出嚟，啲肉系实、完全冇晒水份。老实讲即食蟹柳都好食过佢。唯一可以赞嘅系啲即开生蚝，好新鲜但系每次只可以攞两只。传统烧西冷欠奉，有个炉端烧牛肉我哋攞咗两次，第一次啲牛肉系烧好晒摊喺度：冻嘅，其实可以攞灯照住姐。第二次攞系喺个炉烧紧嘅，结果都只系䁔而唔系而热㗎。刺身寿司亦都值得一提，啲刺身切完系出紧水。最特别系佢有一个好似蛋糕咁大嚿嘅寿司，我每一次经过都会谂究竟有乜人去食咁大旧寿司？食完应该乜都唔使食。所以成晚我都见到𠮶几旧寿司系冇人攞过。