國記

营业中

休息中

听朋友讲呢间位于元朗炮仗坊嘅《国记》粥面舖好似易咗手，呢日经过呢头，顺道入去试试。到去见到餐厅职员果然已经唔系以前熟口熟面嘅面孔，不过食嘢最紧要都系食物味道，所以都系试咗先讲。荔湾艇仔粥 ($17/小) - 猪皮、鱿鱼、花生 …… 都有好足料，不过粥底无以前咁有米味及无以前咁 “绵”。虾米肠 ($10) - 肠粉身比较软腍，无咩弹性亦唔烟韧，馅料方面，份量都OK。蛋黄咸肉粽 ($26) - 咸蛋、肥猪肉、绿豆 ……都有几多材料。包得都几实净，唔会散收收，不过落唔够五香粉，食落唔够香口。整体味道虽然OK，不过比以往略为失色，要多多加油！