陳鵬鵬潮汕菜館

营业中

休息中

越嚟越多国内品牌喺香港开分店，今次呢间陈鹏鹏潮汕菜馆就系其中之一。如果平时有上去深圳，呢间餐厅就应该一定见过。因为好多大商场入边都有。之前冇喺深圳食过，所以今次就喺香港试吓佢究竟好唔好食。入座招呼都好好，先装咗茶同埋有个餐前小食，系糖饼嚟嘅，不另收费。金奖潮卤拼盘有鹅背、鹅胸片、鹅红、鹅颈、鹅掌、卤蛋同埋虾枣。唔同于坊间嘅做法，佢𠮶啲系新鲜卤水新鲜鹅，每日都会新鲜制作做卤味。所以香料味比较少，豉香同埋鹅味较重。韭菜鹅血煲鹅红同猪红唔同，比较嫩滑。同韭菜一齐煮都出色嘅。南澳蚝仔烙又唔同香港蚝饼，佢唔系炸到脆卜卜，而系外脆得来里便系烟烟韧韧。听讲都系潮汕嘅特色。啲蚝仔仲要好大粒。潮汕七样菜用咗普宁豆浆煮七种唔同嘅蔬菜，咸香入味。几有潮汕风味。香煎䲝鱼我觉得呢个最好食，新鲜䲝鱼斩件煎到香脆。肉质结实与味浓。真系食多一条都食得落。海鲜砂锅粥呢个都系第二好食，佢用咗大量鲜虾、蚝、花甲生滚砂锅粥，再用冬菜提鲜，加上少少胡椒粉。系一个非常出色嘅主食。食饱佢哋送咗一碗红糖仙草蜜俾我哋做甜品。呢个甜品有几好食仙草好嫩滑唔会苦。清凉晒。