影片
更多
2024-10-08
0 浏览
好耐冇食过凑凑锅，之前嚟亲都系食麻辣鸭血汤底，但系其实佢哋有好多唔同嘅特别汤底，趁住佢哋而家做紧国庆优惠，升级咗啲汤底都唔使加钱，所以试吓其他嘅汤底。除咗多咗好多新嘅汤底之外，原来仲多咗一啲海鲜炸物小食，我哋拣咗个香酥蚵仔嚟试吓，完美还原台式风味。而汤底方面我哋叫咗个日式海带鲣鱼汤拼姜子酸汤锅。佢呢两款汤都会额外再配咗一样食材，鲣鱼汤配嘅系新鲜嘅蚬，而个子姜汤就跟咗个皇帝菜。同埋鲣鱼汤不嬲都系好夹，因为都系清清甜甜。而呢个子姜汤配皇帝菜亦都好特别，因为个汤底本身酸酸地大少少辣，啲皇帝菜放完落去之后会索晒啲汁，都几开胃㗎。个子姜汤底仲跟咗两粒心心嘅鱼蛋，真系好有情调㗎。如果鲣鱼汤除咗一大堆木鱼之外，仲有一啲新鲜大大条嘅海带，所以真系超级鲜甜。打边炉嘅料我叫咗个海鲜拼盘，包括五样海鲜，有鳝片，鲜虾，扇贝，鲍鱼同大蚬。啲海鲜都唔细架，样样都好新鲜，同个鲣鱼汤就最夹啦。肉类方面，我哋叫咗个牛板键，都好靓㗎，仲肥瘦均匀，啲雪花几养眼，不过就留意个火候，如果唔系好快变韧。另外仲叫咗个黄喉，因为佢系厚切，所以渌耐少少都唔怕，仲系好爽脆。另外我见到有一样嘢叫做猫爪虾滑，嚟到先知原来系个造型可爱嘅虾滑，
除咗多咗好多新嘅汤底之外，原来仲多咗一啲海鲜炸物小食，我哋拣咗个香酥蚵仔嚟试吓，完美还原台式风味。
而汤底方面我哋叫咗个日式海带鲣鱼汤拼姜子酸汤锅。佢呢两款汤都会额外再配咗一样食材，鲣鱼汤配嘅系新鲜嘅蚬，而个子姜汤就跟咗个皇帝菜。同埋鲣鱼汤不嬲都系好夹，因为都系清清甜甜。而呢个子姜汤配皇帝菜亦都好特别，因为个汤底本身酸酸地大少少辣，啲皇帝菜放完落去之后会索晒啲汁，都几开胃㗎。
个子姜汤底仲跟咗两粒心心嘅鱼蛋，真系好有情调㗎。如果鲣鱼汤除咗一大堆木鱼之外，仲有一啲新鲜大大条嘅海带，所以真系超级鲜甜。
打边炉嘅料我叫咗个海鲜拼盘，包括五样海鲜，有鳝片，鲜虾，扇贝，鲍鱼同大蚬。啲海鲜都唔细架，样样都好新鲜，同个鲣鱼汤就最夹啦。
肉类方面，我哋叫咗个牛板键，都好靓㗎，仲肥瘦均匀，啲雪花几养眼，不过就留意个火候，如果唔系好快变韧。
另外仲叫咗个黄喉，因为佢系厚切，所以渌耐少少都唔怕，仲系好爽脆。
另外我见到有一样嘢叫做猫爪虾滑，嚟到先知原来系个造型可爱嘅虾滑，食落亦都好惊喜，因为佢唔止睇得仲好好味，因为真系超级弹牙。
除咗打边炉嘅嘢好味之外，原来佢而家除咗生果同埋肉碎饭之外，仲多咗一啲凉拌小食。今晚嘅系有麻辣鱼皮同埋麻辣鸡髀菇，呢两样嘢都好好味。
饮品方面，见佢都有啲新嘢，因为佢而家做紧国庆七五折，所以都叫嚟试吓。其中佢有将果茶crossover生可乐，我哋就试咗个蜜桃味，都几得意，唔系好甜，不过我又觉得唔系好够气。
另外仲叫咗杯抹茶开心椰，不过佢啲抹茶味好浓，我就唔系好饮到开心果同埋椰奶嘅味道，但系对于钟意抹茶嘅人就应该好OK。
最后佢哋不嬲都会喺用餐后送一杯沙冰俾你做甜品，今晚嘅系菠萝沙冰，中间仲有果肉添，成为一个完美嘅结尾。
张贴
