Bello Dining (已搬遷) 新店位置

其实天水围不嬲都系美食沙漠，想食西餐一定系出元朗，但呢间Bello开咗之后，我地终于多个选择啦！先讲啲缺点先啦！1.太窄 坐得唔舒服2.有时候等好耐都未入座3.女老间系传统西脸女人，讲野语气都麻麻4.抽气系统好差，次次食完都好大油烟但啲野食质素真系好高，而且keep得好好！仲有张积分卡，耐唔耐就会想食多次！餐汤一向真材实料，绝对唔系粉沟出黎嘅！玫瑰味鸡翼都好正！又甜又香，外脆内嫩！入面仲好juicy添！猪仔骨份量劲多调味都好好！煮到啲肉好易分离，但又唔会无哂肉味！正！必点千岛海鲜PIZZA好少餐厅整到薄底，好似饼干咁脆！千岛酱酸酸甜甜好惹味！两个人食真系好饱呀！埋单都系246！