Bello Dining (已搬遷) 新店位置

#bellodining 小編食西餐就最鍾意食豬肋骨同牛扒☺️呢間好抵食！百零蚊就食到豬肋骨同牛扒！重點係大大舊！豬肋骨同雞翼都烤得好好出面脆脆地，但入面既肉都夠嫩滑多汁佢既醬汁甜甜辣辣甘，好入味又唔會太辣雞翼隻隻都好肥美，表層塗上少少蜜汁烤既時間岩岩好，食落好香口，唔會太燶或者太乾身牛肉六成熟岩岩好😝就甘睇好似成舊石甘煎得好熟但切開佢，其實入面既肉仲有些少粉紅咬落去，d肉汁泌曬出黎，一D都唔會太老六成熟真係岩岩好

意粉味濃同pizza都好高質，午餐加野飲好抵食！食過三次，天水圍最好食既西餐！加上撐小店！上次食個千島pizza都好正！薄批好脆足料~野菌意粉，番茄意粉都好香好足料。有次系蘑菇湯，超多菇。另外特飲加十蚊就有，好飲之餘，打卡一流！會再去食~

整體都唔錯👍🏻嗌咗鮮茄雞扒扁意粉餐(跟湯同蜜桃紅茶)同玫瑰蜜糖焗雞翼先講跟餐嘅湯先，啲湯外賣拎翻屋企仲係熱！然後佢係set死咗每日一款湯，啲湯好滑同埋好好飲，份量都適中，亦算開胃嘅。然後講意粉，意粉初頭食落冇乜味，經過提點後發現我唔記得撈....🌝茄味新鮮，唔太酸但又開胃，份量同樣好夠食👍🏻塊雞扒唔應該都算大塊，唔算好「鞋」，可以接受。而雞翼就係正正常常嘅雞翼，不過就焗得好入味，口感好好。嘢飲個人認為蜜桃紅茶好飲過蘋果紅茶~🤪如果外賣嘅話記得打電話嗌定先，然後問佢大約拎得嘅時間，唔洗企係個度等咁耐~

在天水圍附近搵餐廳，上網睇d人話好食，專登去試下，排一個鐘左右，不外如是，只有湯不錯，豬仔骨無味，比較乾，帶子意大利飯，咪道夠，但飯不夠煙靭，好像不熟的口感，芝士條太乾，賣相是可以，還有更多進步空間😬

今日適逢五一黃金週，一定係去食黃店！相信位於天水圍天一商城嘅Bello Dining，有唔少住元天屯嘅你都有聽過！出名好食同時以西餐廳黎講係比較便宜！所以二話不說就決定食呢間！因為係黃店，所以都比較多人排隊，但係今次我哋兩個人淨係等左三個字就入到！所以唔算耐~ 而店員而非常有禮貌，唔會令人食得唔開心！我哋叫左一個蕃茄水牛芝士薄餅($78) 同香煎帶子南瓜意大利飯($80)，另外再加餐叫多左兩杯蜜桃紅茶同兩個沙律。首先上菜嘅係香煎帶子南瓜意大利飯，味道非常唔錯，入面嘅南瓜cream唔會好腬，同埋飯係粒粒分明，絕對唔係一patpat! 當帶子同南瓜飯一齊放入口嘅時候，帶子嘅味道亦唔會南瓜飯被掩蓋！而蕃茄水牛芝士薄餅我哋之前亦都有叫過，因為佢唔油又唔會好滯，好適合我唔鍾意食油膩野嘅人！而另一個特點令我哋再叫黎食嘅原因餅底係好脆，就算蕃茄同水牛芝士本身呢啲餡料好有水份，但係佢餅底都無浸濕而係好脆！但係因為佢淨係得12吋薄餅嘅關係所以我哋兩個人都食淨左幾件，好彩有外賣袋可以比我哋打包番去！最後埋單係$208，兩個人黎講唔算好平又唔係話好貴。而餐廳環境好舒服，係幾個朋友食野嘅好選擇呢！下次會黎試下

今日專登嚟到天水圍一間區內名店食午餐，見到佢個set lunch 價錢範圍都係$50-$60左右，價錢十分親民，一坐低感覺就好似一般家庭式嘅餐廳，舖面細細但係就有一份人情味所在，雖然佢個廚房唔係話好大，但係人手都夠多，所以overall上菜嘅速度都係快，我覺得呢樣都可以話係一間餐廳維繫質素嘅一個重要一環，因為始終都係要人手多，先至可以維持到食物嘅質素，所以呢一點我覺得係值得加分嘅。首先就嚟咗個西湯，今日嘅西湯就係忌廉湯，飲落去個味好濃，但係食到佢入邊落左啲薯仔蓉，雖然唔知係唔係真係落咗薯仔，飲落去個湯會好似好濃味咁，但係個味其實係好食嘅，所以我依然都係會覺得餐廳嘅形象好好啊！我哋叫咗兩個午餐，卡邦尼意粉其實整得好食嘅，佢嘅味都好足夠，但係一般整西餐或者意粉來講卡邦尼其實都係一個好安全嘅食物，因為好難話有一間會特別整到好難食，因為始終都係一甖醬放落去都已經係嗰隻味，但係佢呢間就整到OK嘅，食得出係算係上品嘅卡邦尼意粉，因為佢都算係好濃，起碼食得出係真材實料嘅，但係食落口就感覺到有少少滯，不過佢依間野個份量都好大，所以食完都覺得好飽肚，但係因為基於呢個意粉好難整到好難食，所以我就對呢個意粉

話說訂左2次夜晚去食不過病左。。。今日終於好返去食個下午茶試下先入座前要量體溫。。。我同男友體溫正常入得得返門口位。。。好 照坐 冇咩所謂但坐落真心好嘈等左一陣~~~食物上檯啦我地嗌左一個肉醬意粉+牛角包&芝士雞肉法包一份 配2杯凍飲正題黎啦個牛角包冇咩問題 但個肉醬意粉。。。啲麵條好硬咬到我冇左隻牙果個位好酸痛☹️☹️好啦輪到個法包。。。一般西餐食法包唔係配大量既醬汁就係配湯 因為法包係比較硬身。。。我諗住佢係有大量芝士醬咁啦。。。但點知。。。係芝士碎+普通份量千島醬。。。又係咬到我好酸痛。。。結果我男友食左2啖意粉加2/3個牛角包就冇食我就食左半個意粉仔+半個法包同食埋啲雞肉就算。。。總結食物配搭唔岩。。。啲野食都相對較硬(可能我揀錯掛。。。)不過2個下午茶夾埋先$84 算係咁啦。。。題外話其實我好少寫食評 不過門口果位又肥又矮戴黑框眼鏡果位姐姐仔睇落好似唔係好接受批評咁 而其他人基本係廚房到忙緊 我係元朗未試過要怕間餐廳接唔接受顧客食評😥😥天水圍啲店仔比較惡?😰😰今晚落去試埋佢地個晚餐 唔好食下次食下間

呢間都算係我比較常去嘅餐廳，但係通常都係食午餐多，今日同埋幾位同事再次去呢度食，可能因為疫情關係，所以都比較少人，若果唔係平時都需要排隊。佢個午餐餐牌我都試過晒㗎啦，佢無論意粉或者pizza，都好有水準。意粉佢好有彈性，好有咬口，一啲都冇煮過龍，佢嘅青醬雜菌扁意粉同埋spaghetti bolognese 啲汁都好香，唔會多到成口都剩係得汁。佢嘅Pizza雖然唔係好大，但係佢個底好脆，對我來講有啲脆過頭，好似食餅咁，除咗呢樣味道都好好。呢間餐廳唯一缺點就係份量唔大，可能有機會有啲大食嘅男仔會唔夠食。

晚上與朋友去了天水圍天一商城的這間食西餐風格的等 了我一個多小時,太多人排隊了下次要吃這一間建議先打電話留個位置點了豬仔骨+千島海鮮PIZZA+蘑菇湯+前菜沙拉 沙拉:好清新幾開胃 蘑菇湯:食得出真材實料,味道極濃,好正。千島海鮮PIZZA:即叫即焗,聞落好香千島醬味,配料方面唔算好多,只有 肉和芝士,但配埋脆卜卜既餅底其實都幾夾。吃多几片都不会太饱 太膩!不错!調味方 面,覺得千島醬因為 到左後期食到既只有千島醬味。雖然係咁,但以呢個價錢黎講,有咁既PIZZA真係好抵食整體黎講:真係好surprise,係 天水圍搵到間似樣嘅餐廳真係好難，呢度變長期飯堂了

其實天水圍不嬲都係美食沙漠，想食西餐一定係出元朗，但呢間Bello開咗之後，我地終於多個選擇啦！先講啲缺點先啦！1.太窄 坐得唔舒服2.有時候等好耐都未入座3.女老間係傳統西臉女人，講野語氣都麻麻4.抽氣系統好差，次次食完都好大油煙但啲野食質素真係好高，而且keep得好好！仲有張積分卡，耐唔耐就會想食多次！餐湯一向真材實料，絕對唔係粉溝出黎嘅！玫瑰味雞翼都好正！又甜又香，外脆內嫩！入面仲好juicy添！豬仔骨份量勁多調味都好好！煮到啲肉好易分離，但又唔會無哂肉味！正！必點千島海鮮PIZZA好少餐廳整到薄底，好似餅乾咁脆！千島醬酸酸甜甜好惹味！兩個人食真係好飽呀！埋單都係246！

之前都黎過幾次食野 覺得不過不失 因為係黃店 就算唔係特別好食或許服務態度特別好我都會照食但今次的服務態度真係差得奇怪 當時我叫的餐比隔離枱叫得早 但店員應該是忘了出湯比我們 就先出了給隔離枱追問一下之後店員就勁不耐煩地話: 依家咪拎緊比你囉!之後仲發生左一D野 但餐廳職員完全無FOLLOW UP  好似無視自己D客人咁自問自己成日幫襯黃店 就算有D服務一般 都未至於咁串係咪因為自己係黃店唔休做就可以咁樣??食物質素方便就一般 唔係話特別好食要令人好想再黎食 真係純粹係黃店先至會去食果種但服務真係要改善下

美國安格斯牛肉眼扒 $20810安士，好大塊，叫咗五成熟用碟上，熟度剛剛好，部份近根位的位置有啲難咬，但牛味幾重，吾錯！配菜是黑松露薯蓉，冇揸流攤，，食到明顯黑松露味，而且濕度剛好，不錯！！！跟餐加了$12選配藍莓紐約芝士蛋糕， 蛋糕賣相不錯，甜度剛好，不會過甜，但蛋糕底不算水潤鬆軟，且芝士餡加得太多忌廉，令芝士味道變得有點淡，雖然有點失望，但以$12加配價錢便能吃到一個蛋糕而言，味道還是可以接受的！！！

這是一間非常細的餐廳，只有10張2人枱，建議2人去食比較好，因為4人枱非常難等，要剛好2張2人枱走了，才能夠合做一張4人枱！之前已經去過兩三次都沒有等到位，要排十幾張枱，所以都是放棄等。今天去的時候因為朋友沒到，要等6、7張左右，就繼續等等，非常好運，等了15分鐘就有位了！一進到裡面，位置非常窄，開放式的廚房，油煙味有點重，希望可以改善！但食物方面都非常不錯！🔸水牛芝士Pizza 🔸pizza似是現做的，芝士多，配蕃茄酸酸甜甜，這個皮是薄的，食起來脆脆的，個人比較喜歡，食多幾片都不會太飽太膩！.🔸蕃茄雞扒意粉🔸分量很夠，蕃茄醬汁偏甜，雞扒煎的皮脆肉嫩，推薦可以試試！.午餐有套餐可選，跟沙律或者湯，還配一杯飲品，大約$5x-$6x左右，還不收加一，性價比很高！

［懲罰］佢。天水圍黃色小店。見到就緊係幫襯下。一行六人，排左好耐先入到，因為dinner 時間。由於店舖太細，所以座位吾太舒服，所以吾建議一大班人去。但食物，食物，食物，絕對推薦。由前菜，main course 到 side dish 都好好食！我地叫左 steak 同 大啡菇 risottos ，仲有焗薯皮同pizza .除左pizza 差少少之外，其他全部都好推薦！服務都ok,因為dinner時間好多人，所以waiter 都好忙，但亦不忘提醒要早少少食個扒，吾係會太熟。服務貼心下次都會再黎食。

已經係第二次幫襯（晚市）講真 喺天水圍黎講 唔算係經濟之選但間中食一兩餐都可以嘅今次嗌左 - 黑松露牛肉漢堡 拼粗薯條 $68非常香嘅松露醬薯條香脆漢堡入面仲有煙肉同埋蘑菇暫時覺得呢一款漢堡係最抵食又免加一不過提醒返 小店座位有限 晚市可能要等耐少少同埋油煙味都幾勁 成餐飯都聞到 好唔舒服希望小店可以快啲改善呢個問題