御 ‧ 家上海

营业中

休息中

新年假期最后一日嘅年初四去咗拜完车公庙，附近就喺围方揾嘢食，最后拣咗御家上海。行过问睌市，6:00开始派位，6:30就入座。大约6:20去攞飞已经成个门口都系人，好彩最后都可以第一round就安排入座。因为唔太肚饿，ordered 豆腐,脆煎小笼包,黄鱼煨面,虾球锅巴。豆腐系炸过所以有少少油腻。食上海野小笼包一定要order。呢间餐厅有少少特别嘅系脆煎灌汤小笼包，其实系蒸小笼包再好似煎饺咁煎个底，小笼包入边都好多汤汁。雪菜黄鱼煨面，清清淡淡，起晒鱼肉，面系我喜欢嘅少少烟韧感。干烧虾球锅巴，比较辣同比较咸，钟意浓味嘅可能会觉得好惹味。每样𩠌上枱都系热。但可能假期好多人排队，所以waitress and waiter 都好似赶住收枱上面啲碟。