荷華庭園景餐廳 (已易手) 新餐厅

朋友介绍，话呢度好靓好有仙境feel, 咁我就梗系要入嚟睇吓，食吓嘢喇！讲真，好彩佢有大把车位可以比客人泊，喺大埔嘅村，真系唔敢乱咁泊车㗎！一入去见到个正门已经好靓！小鱼池、小桥咁！仲有好多真嘅植物！仲见到我最喜爱嘅太阳花添！餐厅有分为两个区域，一个室外（靓花、小亭、流水……），一个室内（华丽布置），好可惜，因为落雨嘅关系，佢安排咗室内，同唔到花花影相喇！下次！下次好天一定要再嚟！室内摆设都好靓呀！又影吓先！海虾鲜果沙律～有五至六款鲜果！真系鲜果！绝无罐头生果！当中有菠萝、芒果、奇异果、士多啤梨……等等,随咗海虾呢个主角之外，同时亦有少量菜叶！个酱都唔系一般嘅沙律酱就算！仲有士多啤梨酱！酸酸甜甜咁！好味！黑菌海胆焗石班天使面～大大件石班有两件，非常有咬口，一食就食得出唔系普通货！有质素！而天使面唔系想像中嘅幼度，佢比脑海中果种天使面较为粗！可能因为个酱汁好浓厚，唔需要用到咁幼，去用咁多接触面去挂汁，但估唔到呢个粗物少少嘅天使面口感仲好！爽口又够味！美国无菌黑豚猪～食西餐通常都会叫块扒，唔想食咁多牛，自然会谂起猪，呢个黑豚好啱我心水，佢肥瘦参半，带有本身黑豚嘅油脂香味，非常淋！咬落去一啲