影片
更多
2024-12-08
1889 浏览
斑兰今日要介绍喺圆方商场水区入面有一间新加坡菜餐厅叫「斑兰」，一入到去每个店员都用好亲切嘅笑容迎接每一位食客，会问你想坐边度，我即刻讲方便你哋就得，下午茶时段都算爆场，我等咗唔够五分钟就已经可以入座，佢哋有一个套餐价钱都算几亲民，就系A+B+C只需要$98，简单嚟讲即系小食+主食+饮品，而且味道都算好正宗新加坡菜味道，大家如果经过圆方商场不妨试下啦！1.自家制腐乳蛋黄酱单骨牛油鸡翼（4件）+新加坡大虾喇沙掺掺+即磨咖啡$98（9.5/10）首先小食我就拣咗单骨牛油鸡翼，呢个鸡翼炸得好脆身，见到「牛油」呢两个字唔好以为好油，完全炸得唔油腻，单骨鸡翼食落又方便，正！主食就拣咗新加坡大虾喇沙掺掺，汤底好正宗，又浓又香，唔会太辣，配料有2只肉质弹牙鲜甜大虾、3旧吸哂汤底嘅豆卜同4只蚬，份量都算多，超正！饮品就拣咗即磨咖啡，唔会好苦，仲有就系比食客自己落糖！2.香茅烤鸡肉串烧（2串）+招牌无骨海南鸡 配油香饭+桔仔话梅水$98（9/10）首先小食我就拣咗2串香茅烤鸡肉串烧，鸡肉串烧唔会烧到肉质干柴，鸡肉肉质嫩滑，但系有少少咸，如果味道调较返好少少就好正啦！主食就拣咗招牌无骨海南鸡饭-配油香饭，仲
今日要介绍喺圆方商场水区入面有一间新加坡菜餐厅叫「斑兰」，一入到去每个店员都用好亲切嘅笑容迎接每一位食客，会问你想坐边度，我即刻讲方便你哋就得，下午茶时段都算爆场，我等咗唔够五分钟就已经可以入座，佢哋有一个套餐价钱都算几亲民，就系A+B+C只需要$98，简单嚟讲即系小食+主食+饮品，而且味道都算好正宗新加坡菜味道，大家如果经过圆方商场不妨试下啦！
1.自家制腐乳蛋黄酱单骨牛油鸡翼（4件）+新加坡大虾喇沙掺掺+即磨咖啡$98（9.5/10）
首先小食我就拣咗单骨牛油鸡翼，呢个鸡翼炸得好脆身，见到「牛油」呢两个字唔好以为好油，完全炸得唔油腻，单骨鸡翼食落又方便，正！
主食就拣咗新加坡大虾喇沙掺掺，汤底好正宗，又浓又香，唔会太辣，配料有2只肉质弹牙鲜甜大虾、3旧吸哂汤底嘅豆卜同4只蚬，份量都算多，超正！
饮品就拣咗即磨咖啡，唔会好苦，仲有就系比食客自己落糖！
2.香茅烤鸡肉串烧（2串）+招牌无骨海南鸡 配油香饭+桔仔话梅水$98（9/10）
首先小食我就拣咗2串香茅烤鸡肉串烧，鸡肉串烧唔会烧到肉质干柴，鸡肉肉质嫩滑，但系有少少咸，如果味道调较返好少少就好正啦！
主食就拣咗招牌无骨海南鸡饭-配油香饭，仲有附送一碗猪骨鸡汤，呢碗汤有少少咸，至于海南鸡未算好嫩滑，油饭就好唔错！
饮品就拣咗桔仔话梅水，饮落好清新，带有少少咸味，好饮！
3.海盐雪糕粟米脆脆$42（10/10）
另外叫咗甜品系海盐雪糕粟米脆脆，呢个甜品插住两条朱古力蛋卷，再加埋两头海盐雪糕，海盐雪糕唔会好甜，仲有雪糕上面放咗唔少小朋友最钟意嘅粟米脆脆，呢个甜品就作为我今次新加坡菜之旅嘅总结，非常美满！
2人总共价钱$261.8，其他有加一服务费！
个人口味总评分：9.5/10
地址：尖沙咀柯士甸道西1号ELEMENTS圆方水区1楼1044-1045号舖
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#斑兰 #新加坡菜 #尖沙咀好去处 #尖沙咀 #尖沙咀美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
