影片
更多
2019-10-29
111 浏览
放工想约老友出黎饮下酒和同锯下排，就简左呢间方便又高级嘅餐厅。当日六点嚟到已经坐满左好多上班族喺门口饮酒食小食，由于我𠮶日系食正餐我就比职员带咗上二楼一个环境十分之适合约会嘅地方食晚餐。由于得两个人我哋就系叫咗一个沙律同两个主食分别系大虾芒果沙律($168)、一杯Erdinger啤酒($40)、德国脆皮猪手($248)同埋斧头猪扒($268)。呢一个沙律比我好大嘅惊喜，因为佢唔单止有好多只大虾，而且芒果十分新鲜食落十分开胃好适合做前菜，上菜速度亦都十分快，我哋唔需要等待好耐已经有嘢食。而系两个主食方面，佢俾我哋选择要薯条或者薯蓉。由于我哋觉得𠮶日都有少少热气所以我哋两个都要咗薯蓉，薯蓉食落十分之滑而且有牛油味，份量亦都十分多，两个男人食都好饱肚。而系德国猪手方面，呢只猪手亦都做到外皮脆而肉汁多嘅感觉配上啤酒食十分之惹味。块斧头猪扒职员话需时30分钟左右，但系由于我六点嚟到当时室内冇乜客人只需要10几分钟就有得食，斧头扒肉嫩多汁配BBQ酱令我觉得比牛扒更好食，份量又大，食肉兽必定啱食。总括来讲呢一餐只系需要$800左右，而且呢一间餐厅系唔同嘅时候都会不同优惠同埋时令菜式能够比客人新鲜感，
由于得两个人我哋就系叫咗一个沙律同两个主食分别系大虾芒果沙律($168)、一杯Erdinger啤酒($40)、德国脆皮猪手($248)同埋斧头猪扒($268)。
呢一个沙律比我好大嘅惊喜，因为佢唔单止有好多只大虾，而且芒果十分新鲜食落十分开胃好适合做前菜，上菜速度亦都十分快，我哋唔需要等待好耐已经有嘢食。
而系两个主食方面，佢俾我哋选择要薯条或者薯蓉。由于我哋觉得𠮶日都有少少热气所以我哋两个都要咗薯蓉，薯蓉食落十分之滑而且有牛油味，份量亦都十分多，两个男人食都好饱肚。
而系德国猪手方面，呢只猪手亦都做到外皮脆而肉汁多嘅感觉配上啤酒食十分之惹味。
块斧头猪扒职员话需时30分钟左右，但系由于我六点嚟到当时室内冇乜客人只需要10几分钟就有得食，斧头扒肉嫩多汁配BBQ酱令我觉得比牛扒更好食，份量又大，食肉兽必定啱食。
总括来讲呢一餐只系需要$800左右，而且呢一间餐厅系唔同嘅时候都会不同优惠同埋时令菜式能够比客人新鲜感，相信我日后会再来。
张贴
