文記海鮮飯店

营业中

休息中

各同事一人一个送，够公平喇 ﹗白饭鱼炒蛋，Anson 兄点既。第一次食，葱花炒得够熟，好采我免强顶得住阵味。白饭鱼本身无咩味，蛋炒得好香，两样捞埋相得益彰，好味。粟米斑块，Yvonne 姐点既。炸得棉不硬，口感几好，食落都有点鱼味，只是略厌咸了点。麻婆豆腐煲，我点既菜。豆腐呎码较大，里面微暖，未算烫口，口感唔够滑。表面略为炸过，唔知系为左快啲？定系香口啲？味道似乎挣左啲啲，香辣情度不足，味道还过得去。青瓜虾米粉丝煲，Akei 姐点既。卖相不太讨好，试一试先，比想像中好味好多，估唔到粉丝滑、青瓜青甜，good ﹗咸蛋蒸肉饼，其实我唔多钟意依度既咸蛋肉饼，应为肥肉较多，口感又松散，猪肉味偏淡，要落豉油添味。而且咸蛋唔够靓，全无蛋黄油，仲有点解蛋白咁少既？去晒边呢？又未至于话难食，都可以架，但系可以再好啲啰。